قالا اۋماعىندا كولىك ينفراقۇرىلىمى جۇمىستارى جوسپارعا ساي جۇرگىزىلۋدە.
جالپى ۇزىندىعى 351 شاقىرىمدى قۇرايتىن 187 جولدىڭ قۇرىلىس جوندەۋ جۇمىستارى جۇرگىزىلدى.
2018 جىلى بۇل كورسەتكىش 98 شاقىرىمدى قۇراعان بولسا، قازىرگى كەزدە كولىك ينفراقۇرىلىم كورسەتكىشى 3,6 (358 %) ەسەگە ۇلعايعان.
بيىلعى جىلى “د.قوناەۆ” پەن “ت.رىسقۇلوۆ” كوشەلەرى قيىلىسىنداعى جولايرىقتا قۇرىلىس جۇمىتسارى اياقتالىپ، كولىك قوزعالىسى ءۇشىن پايدالانۋعا بەرىلدى. “ارعىنبەكوۆ” پەن “بايدىبەك بي” كوشەلەرىنىڭ قيىلىسىنداعى جولايرىق قۇرىلىسى قارقىن العان. بۇگىندە قالا اۋماعىنداعى ساپالى جولداردىڭ كورسەتكىشى 67,4 % -دى قۇرايدى.
اتالعان مەجەنى 2025 جىلعا قاراي 79 %-عا دەيىن جەتكىزۋ كوزدەلگەن. اتاپ ايتار بولساق قالا اۋماعىندا 3 جولايرىق، 2 ترانزيتتىك اينالما جول، ا-2 اينالما جولىن قايتا قۇرۋ جۇمىستارى، “د.قوناەۆ” داڭعىلىنىڭ جالعاسىن سالۋ جوسپارلانعان.
