مادەنيەت باسقارماسىنا الدىمەن مادەنيەت دەگەندى تۇسىنەتىن ءبىر باسشى قويۋ كەرەك. بۇل تۋرالى پىكىردى قر ەڭبەك سىڭىرگەن قايراتكەرى داۋلەتكەرەي كاپۇلى Facebook پاراقشاسىنا جازدى، دەپ حابارلايدى “ادىرنا” ۇلتتىق پورتالى.
“استانا قالاسى اكىمدىگىنىڭ ۇيىمداستىرۋىمەن كورنەكتى جازۋشى، قر مەملەكەتتىك سىيلىعىنىڭ يەگەرى قاجىعالي مۇقامەدقاليۇلىنىڭ 80 جىلدىعىنا ارنالعان ادەبي كەش ءوتتى. مادەنيەت جانە سپورت ۆيتسە-ءمينيسترى نۇرعيسا داۋەشەۆ پەن قالا اكىمىنىڭ ورىنباسارى ەرلان بەكمۇرزاەۆ كەش شىمىلدىعىن اشتى. قازاقستان جازۋشىلار وداعىنىڭباسقارما توراعاسى ۇلىقبەك ەسداۋلەت اعامىز دا قالامگەر جايلى تولعاندى.
ايتپاعىم استانا قالاسى مادەنيەت باسقارماسى دەگەن باسقارما ادەبيەتتى، رۋحانياتتى، قالامگەرلەردى اينالىپ وتۋدەن الدىنا جان سالمايتىن باسقارما! شوۋلار مەن جايدارمەن،كۆن جانە ەسترادالىق كونتسەرتتەردىڭ ابىرويىن بارىنەن بيىك قوياتىن باسشىسى ما قوسشىسى ما بىلمەدىم. جازۋشىنىڭ مەرەيتويىنان باسقارما باسشىسىن كورمەيسىڭ. زالدى تولتىرۋ شارۋاسىنا ارالاسپاعان. قىسقاسى، باسقارماعا رۋحانياتقا جانى اشيتىن،الدىمەن مادەنيەت دەگەندى تۇسىنەتىن ءبىر باسشى قويۋ كەرەك. اكىمنىڭ جىلدا اۋىساتىن ورىنباسارلارىنا تالاي ايتقانبىز! كوسەگەسى كوگەرمەي تۇرعان مادەنيەتىم-اي...”،- دەپ جازدى ول.
