NIS وقۋشىسى امەريكالىق ۋنيۆەرسيتەتىنەن شاقىرۋ الدى

4948
Adyrna.kz Telegram

تالدىقورعان قالاسىنداعى نازارباەۆ زياتكەرلىك مەكتەبىنىڭ 12-سىنىپ وقۋشىسى ادەليا بالكاشەۆا بوستونداعى امەريكا ۋنيۆەرسيتەتىنىڭ HULT حالىقارالىق بيزنەس مەكتەبىنەن شاقىرتۋ الدى. وعان 10 000 دوللار گرانت بەرىلدى.

اقش-تىڭ ءىرى قالالارىنىڭ بىرىندە بيزنەستى وقۋ مەن ءۇشىن ۇلكەن مۇمكىندىك. HULT-قا شاقىرتۋ كەلگەن كەزدە، مەن قاتتى تاڭقالدىم. دەگەنمەن، بۇل جاقسى جاڭالىق جانە دە بۇل بيزنەس پەن تەحنولوگيادان باستاپ ونەر مەن مۋزىكاعا دەيىنگى سوڭعى يدەيالار مەن ەڭ زاماناۋي ترەندتەردى زەرتتەۋ مۇمكىندىگى بولىپ تابىلادى، - دەيدى ادەليا سۇحباتىندا.

مەكتەپ قابىرعاسىندا ادەليا مەكتەپتەگى ۆيكيپەديا كلۋبىنىڭ بەلسەندىسى. ول ينتەرنەت-ەنتسيكلوپەدياعا قازاق تىلىندە 400-دەن استام ماقالا جازعان. سونداي-اق جەتىسۋ وڭىرىندەگى اۋىل بالالارىنا، «اينالايىن» ​​بالالار ۇيىندە اعىلشىن تىلىنەن ساباق بەرەدى.

ماقساتىم – قارجى سالاسىندا ءبىلىم الۋ. نازارباەۆ زياتكەرلىك مەكتەبىنىڭ ءبىلىمىنىڭ ارقاسىندا مەن الەمنىڭ تۇكپىر-تۇكپىرىنەن كەلگەن ستۋدەنتتەرمەن باسەكەگە تۇسە الامىن. ماعان بارلىق ەسىكتەر اشىق. ويتكەنى، ءاربىر وقۋشى، NIS تۇلەگى – ءوز ءومىرىنىڭ، ەلىنىڭ كوشباسشىسى، – ادەليا بولاشاققا دەگەن جوسپارلارىمەن ءبولىستى.

حالت حالىقارالىق بيزنەس مەكتەبى – بوستوندا، سان-فرانتسيسكودا، لوندوندا، دۋبايدا جانە شانحايدا كامپۋستارى بار بيزنەس مەكتەبى. مەكتەپ جاڭا انگليا جوعارى وقۋ ورىندارى قاۋىمداستىعىمەن MBA قاۋىمداستىعىمەن اككرەديتتەلگەن. Hult ديپلومدارىن سونداي-اق جوعارى ءبىلىم بەرۋدەگى شەتەلدىك ديپلومداردى اككرەديتتەۋ بويىنشا بريتاندىق كەڭەس مويىندايدى.

پىكىرلەر