ءچيليدىڭ ۆينيا-دەل-مار كۋرورتتى قالاسىندا الاپات ءورت بولدى. ءورت جالپى سانى 500-دەن استام ءۇيدى جالماعان. بۇل تۋرالى RBC جاريالادى، دەپ حابارلايدى “ادىرنا” ءتىلشىسى.
ورتتەن كەم دەگەندە 2 ادامنىڭ قازا تاپقانى انىقتالدى. جالىندى اۋىزدىقتاۋعا 11 ءورت ءسوندىرۋ بريگاداسى مەن 9 تىكۇشاق جانە 2 ۇشاق جۇمىلدىرىلعان.
جەرگىلىكتى اقپارات قۇرالدارىنىڭ جازۋىنشا، ءورت الدىمەن تاۋ بوكتەرىندەگى ورماندى القاپتان باستالىپ، جەلدىڭ كۇشىمەن قالاعا قاراي ىعىسقان. ورتەنىپ كەتكەن ۇيلەر نەگىزىنەن قالا توڭىرەگىنە شوعىرلانعان، تۇرمىسى تومەن وتباسىلاردىڭ اعاشتان سالىنعان ۇيلەرى ەكەن.
