يمانعالي تاسماعامبەتوۆ ۇجىمدىق قاۋىپسىزدىك شارتى ۇيىمىنىڭ (ۇقشۇ) باس حاتشىسى قىزمەتىنە كىرىستى. بۇل تۋرالى ۇقشۇ سايتىندا جاريالاندى، دەپ حابارلايدى “ادىرنا” ۇلتتىق پورتالى.
"2023 جىلدىڭ 1 قاڭتارىنان باستاپ يمانعالي تاسماعامبەتوۆ ۇجىمدىق قاۋىپسىزدىك كەڭەسىنىڭ شەشىمىمەن ۇجىمدىق قاۋىپسىزدىك شارتى ۇيىمىنىڭ باس حاتشىسى قىزمەتىنە ءۇش جىل مەرزىمگە تاعايىندالدى", - دەلىنگەن ۇقشۇ سايتىندا.
ەسكە سالايىق، 2022 جىلعى 23 قاراشادا ەرەۆاندا ۇقشۇ ۇجىمدىق قاۋىپسىزدىك كەڭەسىنىڭ وتىرىسىنا قاتىسۋشىلار ۇيىمنىڭ باس حاتشىسى قىزمەتىنە يمانعالي تاسماعامبەتوۆتى تاعايىنداۋ تۋرالى شەشىم قابىلداعان بولاتىن.
