قر سىبايلاس جەمقورلىققا قارسى ءىس-قيمىل اگەنتتى توراعاسىنىڭ بۇرىنعى ورىنباسارى ماقسات قوجاباەۆ پارا الدى دەگەن كۇدىكپەن ۇستالدى. بۇل تۋرالى ۇلتتىق قاۋىپسىزدىك كوميتەتى حابارلادى، دەپ جازادى "ادىرنا" ۇلتتىق پورتالى.
"9 قاڭتاردا جەمقورلىق كۇدىگىمەن ۇلتتىق قاۋىپسىزدىك كوميتەتى قۇقىق قورعاۋ ورگانىنىڭ بۇرىنعى لاۋازىمدى قىزمەتكەرى م قوجاباەۆتى ۇستادى. تەرگەپ-تەكسەرۋ شارالارى جالعاسۋدا. وزگە اقپاراتتار جاريالاۋعا جاتپايدى.", – دەلىنگەن رەسمي حابارلامادا.
ەستەرىڭىزگە سالا كەتەيىك، ماقسات قوجاباەۆ 2021 جىلى شىلدە ايىندا سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى بولىپ تاعايىندالىپ، 2022 جىلدىڭ ساۋىرىندە قىزمەتىنەن بوساتىلعان.
"ادىرنا" ۇلتتىق پورتالى
