پاكىستاننىڭ پەشاۆار قالاسىندا مەشىتتە بولعان جارىلىس سالدارىنان مەرت بولعان 100 ادامنىڭ 97-ءسى – كۇش قۇرىلىمدارىنىڭ قىزمەتكەرلەرى. بۇل تۋرالى پاكىستان ىشكى ىستەر مينيسترلىگىنىڭ باسشىسى رانا ساناۋللا ۇلتتىق جيىن الدىندا مالىمدەدى، دەپ حابارلايدى “ادىرنا” ۇلتتىق پورتالى تاسس اگەنتتىگىنە سىلتەمە جاساپ.
ايتا كەتەيىك، پەشاۆار - اۋعانستانمەن شەكاراعا جاقىن حايبەر-پاحتۋنحۆا سولتۇستىك-باتىس پروۆينتسياسى.
«تەراكت سالدارىنان 97 پوليتسەي مەن 3 قاراپايىم ازامات قازا تاپتى»، - دەدى ساناۋللا.
پەشاۆار قالاسىندا دۇيسەنبى كۇنى بولعان جارىلىستان مەرت بولعاندار سانى 100-گە جەتىپ، جاراقات العاندار 200-دەن استى.
ۇلتتىق قاۋىپسىزدىك ورگانى قىزمەتكەرلەرىنىڭ اقپاراتىنا سايكەس، جانكەشتى لاڭكەس جارىلعىش زاتتى مەشىتكە بەسىن نامازى كەزىندە ىسكە قوسقان. سول ساتتە مەشىتتە ادام كوپ بولعان، ونىڭ ىشىندە پوليتسيا قىزمەتكەرلەرى مەن اسكەريلەر بار.
قازاقستان پرەزيدەنتى قاسىم-جومارت توقاەۆ پاكىستان پرەزيدەنتى اريف الۆي مەن پرەمەر-ءمينيسترى شاحباز شاريفكە كوڭىل ايتۋ جەدەلحاتىن جولدادى.
مەملەكەت باسشىسى پەشاۆار قالاسىنداعى مەشىتتە بولعان لاڭكەستىك ارەكەت سالدارىنان كوپتەگەن ادامنىڭ قازا تاپقانى جانە زارداپ شەككەنى تۋرالى سۋىت حاباردى تەرەڭ كۇيزەلىسپەن قابىل العانىن جەتكىزدى.
