الداعى قر پارلامەنتى ءماجىلىسى مەن ءماسليحات دەپۋتاتتارىنىڭ سايلاۋىنان ەسكى جۇيەنىڭ كلاندارى دا دامەلى.
سايلاۋدىڭ اشىق ءارى ءادىل ءوتۋىنىڭ ءبىر بەلگىسى پروپورتسيونال جانە ماجوريتارلىق، ياعني ارالاس سايلاۋ جۇيەسى. مۇنداي سايلاۋ جۇيەسى — دەموكراتيالىق مەملەكەتتەرگە ءتان دۇنيە.
سايلاۋ بولعان سوڭ، سايلاۋدىڭ تالاپتارىنا ساي كەلەتىن كەز كەلگەن قر ازاماتى ءوزىن ۇسىنىپ، سايلاۋعا تۇسۋگە قۇقىلى. بىراق حالىق ءبىر نارسەنى ەسكەرۋ كەرەك، «ا» دەپ، اۋزىن اشىپ، ۇرانداتقاننىڭ ءبارى شىنايى ۇلتشىل ەمەس.
سەبەبى سايلاۋعا ءوتىنىم بەرگەندەردىڭ اراسىندا بۇرىنعى جۇيەنىڭ قارجىلاندىرىپ وتىرعان كلاندارى مەن سىرتقى كۇشتەردىڭ جەندەتتەرى بار. ولار ءۇشىن ەلدىڭ قامى كوك تيىن. ولاردىڭ كوكسەگەنى ەلدىڭ تۇتاستىعىنا سىزا ءتۇسىرۋ.
سونىمەن قاتار كانديداتتاردىڭ اراسىندا معق (مورداسى عانا قازاق)- لار دا ءجۇر.
ءوز انا ءتىلىن بىلمەيتىن ادامداردى، ءوز ۇلتىن جەكسىز سۇيەدى دەپ ايتۋ قيىن. سەبەبى ءوز ۇلتىن سۇيسە، ءوز ءتىلىن دە شەكسىز سۇيەتىن ەدى. سوندىقتان ولاردى ءماسليحات پەن ماجىلىستە بىردەمە تىندىراتىنىنا سەنبەيمىن.
سول سەبەپتى الەمجەلىدەن اربايتىنداردى حالىق ايىرا ءبىلۋ كەرەك. وتىرىپ الىپ، ەلدى جاماندايتىنداردىڭ ءبارى شىنايى ۇلتقا، تىلگە جانى اشيتىندار ەمەس. سول وتىرعانداردىڭ ىشىندە ءبىراۋىز قازاقشا بىلمەيتىندەرى جەتىپ جاتىر.
الداعى سايلاۋدا قارىننىڭ قامىن ەمەس، ەل-ءدىڭ قامىن ويلايتىندار سايلانسا ەكەن دەگەن تىلەك بىلدىرەمىن. اللا، تىلەگىمدى قابىل ەتە گور.
تالعات جانىسباي
