تۇركىستان وبلىسىندا اۋىل اكىمى سۋ ورتاسىندا قالعان جۇكتى ايەل مەن بالانى بەلىنە ارقان بايلاپ قاۋىپسىز جەرگە الىپ شىقتى، دەپ حابارلايدى «ادىرنا» ءتىلشىسى.
وبلىس اكىمدىگى وقيعانىڭ بايدىبەك اۋدانىنداعى شايان-مىڭبۇلاق اۆتوجولىندا بولعانىن ايتتى. ۆاز-2106 اۆتوكولىگى قىردان اققان اعىن سۋدىڭ اسەرىنەن جولدان شىعىپ كەتكەن.
«كولىكتە 39 جاستاعى ەر ازامات، 33 جاسار جۇكتى ايەل جانە 7 جاسار بالا بولعان. ولاردى مىڭبۇلاق اۋىلدىق وكرۋگىنىڭ اكىمى عالىمجان اكىمباەۆ بەلىنە ارقان بايلاپ، سۋ ورتاسىنان الىپ شىقتى. قازىر ايەل مەن بالا اۋداندىق اۋرۋحانادا دارىگەرلەردىڭ باقىلاۋىندا»،—دەدى ۆەدومستۆو.
<
