زاڭگەر ايگۇل ورىنبەك 15 جاسار زورلانعان قىز تۋرالى ايتىپ، توقاەۆقا ۇندەۋ جولدادى. ول بۇل تۋرالى Facebook پاراقشاسىندا جازدى، دەپ حابارلايدى “ادىرنا” ۇلتتىق پورتالى.
"قۇرمەتتى پرەزيدەنت!
ءسىزدىڭ تاپسىرماڭىز ورىندالىپ جاتقان جوق!
15 جاسار زورلانعان قىزدى تەرگەپ-تەكسەرۋگە ءدال قازىر ءبىزدى شىمكەنت قالاسى اباي اۋدانى پوليتسيا بولىمىنە شاقىردى.
قوڭىراۋ شالعان تەرگەۋشى سەرجانت مەيىرجان بۇل ىستە تەرگەۋگە وزىنە باسشىلىق بەرگەنىن ايتتى.
ونسىزدا ەر ادامنان زورلىق كورگەن ءجاسوسپىرىم قىز، تەرگەۋشى ەر ازاماتقا باسىنان وتكەن جاعدايدى قالاي ايتادى؟
زورلىق-زومبىلىق كورگەندەرگە ارنايى كابينەت اشىلۋ كەرەك ەكەنىن وزىڭىزدەن سۇراعان ەدىم. ول تاپسىرماڭىز دا، جەرگىلىكتى جەرلەردە ورىندالىپ جاتقان جوق!
قۇرمەتتى پرەزيدەنت!
ادىلەتتى قازاقستاندى جىلدام قۇرعىمىز كەلسە، ءسىزدىڭ تاپسىرماڭىزدى ەلەمەيتىن، ورىندامايتىن باسشىلاردى ورنىنان الۋ كەرەك!
شىمكەنت قالاسىنىڭ پروكۋراتۋراسى نازارعا الىڭىزدار!
15 جاسار قىزدى ايەل تەرگەۋشى تەرگەسە عانا، تەرگەۋ امالدارىنا بارامىز!", دەپ جازدى زاڭگەر.
