Zaŋger Aigül Orynbek 15 jasar zorlanǧan qyz turaly aityp, Toqaevqa ündeu joldady. Ol būl turaly Facebook paraqşasynda jazdy, dep habarlaidy “Adyrna” ūlttyq portaly.
"Qūrmettı Prezident!
Sızdıŋ tapsyrmaŋyz oryndalyp jatqan joq!
15 jasar zorlanǧan qyzdy tergep-tekseruge däl qäzır bızdı Şymkent qalasy Abai audany polisiia bölımıne şaqyrdy.
Qoŋyrau şalǧan tergeuşı serjant Meiırjan būl ıste tergeuge özıne basşylyq bergenın aitty.
Onsyzda er adamnan zorlyq körgen jasöspırım qyz, tergeuşı er azamatqa basynan ötken jaǧdaidy qalai aitady?
Zorlyq-zombylyq körgenderge arnaiy kabinet aşylu kerek ekenın özıŋızden sūraǧan edım. Ol tapsyrmaŋyz da, jergılıktı jerlerde oryndalyp jatqan joq!
Qūrmettı Prezident!
Ädılettı Qazaqstandy jyldam qūrǧymyz kelse, Sızdıŋ tapsyrmaŋyzdy elemeitın, oryndamaityn basşylardy ornynan alu kerek!
Şymkent qalasynyŋ prokuraturasy nazarǧa alyŋyzdar!
15 jasar qyzdy äiel tergeuşı tergese ǧana, tergeu amaldaryna baramyz!", dep jazdy zaŋger.
