Almatydaǵy mekemelerdiń birinde advokattar Anna Dımıtrıevıch pen onyń kúıeýi Oleg Chernovty soqqyǵa jyqqan, dep habarlaıdy “Adyrna” ulttyq portaly.
Dımıtrıevıch oqıǵanyń mán-jaıymen bólisti.
"Biz oılanbastan júgirip baryp, ony toqtatýǵa tyrystyq. Qyz meni qushaqtap, «Kómektes! Kómektesińder!", - deı berdi. Sodan keıin kenetten jigit bizge aýysty. Oleg soqqylardan qulap qaldy. Ornynan turaıyn degende, ol aıaǵymen tebe bastady. Jigit Olegtiń basyn fýtbol dobyndaı teýip jiberdi. Tipti erkin kúres jarystaryndaǵydaı laqtyrý da jasady", - dep eske alady Anna.
Advokat shabýylshylardy tipti tártip saqshylarynyń qatysýy da toqtatpaǵanyn aıtady. Olar Oleg Chernovty qorqytýdy jalǵastyra bergen.
Dımıtrıevıch shabýyl jasaǵan adamnyń Qazaqstannyń eńbek sińirgen jattyqtyrýshysy Dáýlet Turlyhanovtyń uly Nurasyl ekenin aıtty.
"Sportshylardyń ózindik moraldyq-etıkalyq ustanymdary bar, sondyqtan Dáýlet Bolatuly bul janjalda durys sheshim qabyldaıdy dep senemin", - dedi ol.
