سوڭعى كەزدەرى وتاندىق كينويندۋستريادا نەشە ءتۇرلى فيلمدەر پايدا بولىپ، كينوتەاترلارعا قازاقتىلدى كورەرمەندەر كوپتەپ اعىلاتىن بولعان. ايتكەنمەن كورەرمەندەر وتاندىق كارتينالاردان شەتەلدىك فيلمدەرگە ۇقساس دۇنيەنى كوپتەپ كەزدەستىرەدى. وتاندىق “كەلينكا توجە چەلوۆەك” ءفيلمى رەسەيلىك “ليۋبوۆ-موركوۆتى” ەسكە سالسا، ەكس ەسەنتاەۆانىڭ “وستوروجنو، كوروۆا” ءفيلمى كوپ ەلدەردە تاسپالانعان.
ال تۇرسىنبەك قاباتوۆ پلاگيات جولىمەن بولسا دا، قازاق كينوسىنىڭ دامىپ جاتقانىنا قۋانادى. بۇل تۋرالى Stan.kz 7-ارنانىڭ ء“وز ويىم” باعدارلاماسىنا سىلتەپ حابارلايدى.
“پلاگياتتى تەك ءان مەن كينودان عانا بايقايمىز. سالىنىپ جاتقان ءۇيدىڭ ءوزى دە پلاگيات. كوپتەگەن جوبالار دا، مەملەكەتتىك يدەيالار دا پلاگيات. ەڭ باستىسى، وسىدان 5 جىل بۇرىن كينوتەاترعا كەلگەن كەزدە قازاقتىڭ كينوسى جاي عانا ءبىر جەردە ايتەۋىر بار-جوعىن بىلمەيمىز، وتىرىك تۇراتىن، تۇسكى ساعات 3-تە، تاڭەرتەڭ 11-دە دەگەن سياقتى. كەلەسى جىلدان باستاپ قازاق تىلىندە نەشە ءتۇرلى كينولار شىعادى.
ەرتەڭ 10 جىلدان كەيىن باسقا ۇلتتىڭ كينوسىن كورە المايتىنداي، تەك قازاق تىلىندە قازاقستاندىق رەجيسسەرلەردىڭ كينوسىن كورەتىن بولامىز. جالعىز قازاقستان ەمەس، كورشىلەس تمد ەلدەرىنە، شەتەلگە دە كەتەتىن جاعدايعا جەتەمىز. ءار نارسە پلاگياتتان باستالادى”، – دەپ ارىپتەستەرىن اقتاپ الۋعا تىرىستى تۇرسىنبەك.
