تۇركىستان اكىمى جاۋاپ بەردى

2060
Adyrna.kz Telegram

2019 جىلعى 30 قاڭتارىندا "ادىرنا" ۇلتتىق پورتالىنداا «تۇركىستاندا تۇرعىن ءۇي داۋى. جەر مەملەكەتكە كەرەك پە؟ الدە، بيزنەسكە مە؟" اتتى ماتەريال جاريالاندى، سوعان وراي، تومەندەگىنى حابارلايمىز:

ماتەريالداعى شاعىمدانۋشىلار تۇركىستان قالاسى رابيعا سۇلتان
بەگىم كوشەسىنىڭ 12/1 ءۇيىن جالداپ تۇرعان ازاماتتار، بۇل ۇيدە زاڭدى
تىركەلمەگەن.
اتالعان ءۇيدىڭ زاڭدى يەسى وماروۆ مۇحامەدجان ءوز ءۇيىن مەملەكەت
مۇقتاجدىعى ءۇشىن بەرۋگە باعالاۋ قۇنىمەن (9 ملن. 656 مىڭ تەڭگە) كەلىسىپ،
ءتيىستى وتەماقى مەملەكەت تاراپىنان ەسەپ شوتىنا اۋدارىلعان. ءۇي 1970
جىلعى جاپسارلاس ءتيپتى سالىنعان. تۇرعىن جاي 82 شارشى مەتردى قۇرايدى.
جەر كولەمى – 0,0063 گا.
كەلىسىم بەرگەن زاڭدى يەسى م.وماروۆ ءۇيدىڭ بۇزىلاتىندىعى تۋرالى جالداپ
تۇرعان وتباسىعا الدىن الا بىرنەشە كۇن بۇرىن ەسكەرتكەن.
سونىمەن قاتار، 2019 جىلعى 29 قاڭتار كۇنى وسى ءۇيدىڭ جاپسارلاسى ر.سۇلتان
بەگىم 12/2 ءۇي (يەسى وگلاي اللابەرگەنوۆا ءۇيى 11 ملن. 392 مىڭعا باعالانعان،
قارجىسىن العان) بۇزىلا باستاعاندا 12/1 ءۇيدىڭ تۇرعىندارىنا ەسكەرتىلگەن.
ءۇي بۇزىلماي تۇرىپ، تۇرعىنداردىڭ كوشۋىنە جانە باسقا ءۇي جالداۋىنا
اكىمدىك تاراپىنان قارجىلاي كومەكتە بەرىلگەن. بىراق وسى جاعدايلاردى
ەسكەرمەستەن اتالعان ءۇيدىڭ تۇرعىندارى كورشىلەرىمەن ۇيىمداسىپ، جاعدايدى
ءوز بەتىنشە ۋشىقتىرىپ، ۇيالى تەلەفونعا ءتۇسىرىپ، الەۋمەتتىك جەلىلەرگە سالعان.
تۇرعىن ءۇيدى جالداپ تۇرۋشى جاندوس نارىمبايدىڭ اناسى «قان
قىسىمىم كوتەرىلدى» دەپ، جەدەل جاردەم شاقىرعان. كەلگەن جەدەل جاردەم
اۆتوكولىگىنە وتىرىپ، جارتى جولدان ءوز ەركىمەن ءتۇسىپ قالعان.
تۇركىستان قالاسى اكىمىنىڭ ورىنباسارلارى ت. مۇساەۆ، ە.احمەتوۆ جانە
جاۋاپتى ماماندار اتالعان مەكەن-جاي بويىنشا تۇراتىن پاتەر
جالداۋشىلارمەن سويلەسىپ، ءتۇسىندىرۋ جۇمىستارىن جۇرگىزدى.
تۇرعىن ءۇيدى بۇزۋ جۇمىستارى ارنايى تەحنيكانىڭ كومەگىمەن ەمەس
(بۋلدوزەر ەمەس) جۇمىسشى ادامداردىڭ كومەگىمەن قولما-قول بۇزىلعان.
بۇگىنگى تاڭعا ر.سۇلتان بەگىم 12/1, 12/2 ۇيلەر تولىعىمەن بۇزىلىپ،
ماتەريالدارى تۇرعىنداردىڭ سۇرانىسى بويىنشا ءتيىستى مەكەن جايعا
جەتكىزىلىپ بەرىلدى.

تۇركىستان قالاسى اكىمىنىڭ ءباسپاسوز قىزمەتى

پىكىرلەر