2019 jylǧy 30 qaŋtarynda "Adyrna" ūlttyq portalyndaa «Türkıstanda tūrǧyn üi dauy. Jer memleketke kerek pe? Älde, bizneske me?" atty material jariialandy, soǧan orai, tömendegını habarlaimyz:
Materialdaǧy şaǧymdanuşylar Türkıstan qalasy Rabiǧa Sūltan
begım köşesınıŋ 12/1 üiın jaldap tūrǧan azamattar, būl üide zaŋdy
tırkelmegen.
Atalǧan üidıŋ zaŋdy iesı Omarov Mūhamedjan öz üiın memleket
mūqtajdyǧy üşın beruge baǧalau qūnymen (9 mln. 656 myŋ teŋge) kelısıp,
tiıstı ötemaqy memleket tarapynan esep şotyna audarylǧan. Üi 1970
jylǧy japsarlas tiptı salynǧan. Tūrǧyn jai 82 şarşy metrdı qūraidy.
Jer kölemı – 0,0063 ga.
Kelısım bergen zaŋdy iesı M.Omarov üidıŋ būzylatyndyǧy turaly jaldap
tūrǧan otbasyǧa aldyn ala bırneşe kün būryn eskertken.
Sonymen qatar, 2019 jylǧy 29 qaŋtar künı osy üidıŋ japsarlasy R.Sūltan
begım 12/2 üi (iesı Oglai Allabergenova üiı 11 mln. 392 myŋǧa baǧalanǧan,
qarjysyn alǧan) būzyla bastaǧanda 12/1 üidıŋ tūrǧyndaryna eskertılgen.
Üi būzylmai tūryp, tūrǧyndardyŋ köşuıne jäne basqa üi jaldauyna
äkımdık tarapynan qarjylai kömekte berılgen. Bıraq osy jaǧdailardy
eskermesten atalǧan üidıŋ tūrǧyndary körşılerımen ūiymdasyp, jaǧdaidy
öz betınşe uşyqtyryp, ūialy telefonǧa tüsırıp, äleumettık jelılerge salǧan.
Tūrǧyn üidı jaldap tūruşy Jandos Narymbaidyŋ anasy «qan
qysymym köterıldı» dep, jedel järdem şaqyrǧan. Kelgen jedel järdem
avtokölıgıne otyryp, jarty joldan öz erkımen tüsıp qalǧan.
Türkıstan qalasy äkımınıŋ orynbasarlary T. Mūsaev, E.Ahmetov jäne
jauapty mamandar atalǧan meken-jai boiynşa tūratyn päter
jaldauşylarmen söilesıp, tüsındıru jūmystaryn jürgızdı.
Tūrǧyn üidı būzu jūmystary arnaiy tehnikanyŋ kömegımen emes
(buldozer emes) jūmysşy adamdardyŋ kömegımen qolma-qol būzylǧan.
Bügıngı taŋǧa R.Sūltan Begım 12/1, 12/2 üiler tolyǧymen būzylyp,
materialdary tūrǧyndardyŋ sūranysy boiynşa tiıstı meken jaiǧa
jetkızılıp berıldı.
Türkıstan qalasy äkımınıŋ baspasöz qyzmetı
