inDrive حالىقارالىق كومپانياسى iQanat ءبىلىم قورىمەن بىرلەسە الماتى وبلىسى شەنگەلدى اۋىلىنىڭ وقۋشىلارىنا ارنالعان «تالىمگەرلىك» باعدارلاماسىن وتكىزدى. ماقساتى – وقۋشىلاردى ءارتۇرلى باعىتتاعى ماماندىقتارمەن تانىستىرۋ جانە ءوزى قالاعان ماماندىعىن تاڭداۋعا كومەك كورسەتۋ بولىپ تابىلادى. جوبا كورپوراتيۆتىك الەۋمەتتىك جاۋاپكەرشىلىك پەن كورپوراتيۆتىك ەرىكتىلىك باعدارلاماسىن دامىتۋ اياسىندا جۇزەگە اسىرىلدى.
ەكى كۇن بويى digital ديزاينەرلەر، iOS ازىرلەۋشىلەر، ماركەتولوگ، IT-ينفراقۇرىلىمىنىڭ ينجەنەرى، زاڭگەر مەن پسيحولوگ سىندى ءارتۇرلى باعىتتاعى كاسىپقوي ماماندار «شەنگەلدى اۋىلىنىڭ ك.جالايىر اتىنداعى №6 ورتا مەكتەبىنىڭ» جوعارى سىنىپ وقۋشىلارى الدىندا ءسوز سويلەدى. ولار ماماندىقتار نارىعىنداعى وزەكتى ماماندىقتار جانە سول ماماندىقتارعا قاجەتتى داعدىلار تۋرالى، سونىمەن قاتار وزدەرىنىڭ جەكە كارەرالارىنىڭ قالىپتاسۋى تۋرالى اڭگىمەلەپ بەردى. جالپى العاندا 13 ءارتۇرلى تاقىرىپ قامتىلدى. دارىسكەرلەر مەن ترەنەرلەر - inDrive كومپانياسىنىڭ قىزمەتكەرلەرى.گرافيكالىق جانە ۆەب-ديزايى بويىنشا شەبەرلىك ساباعىندا بالالار سايتتار جاساپ، Figma گرافيكالىق رەداكتوردا سۋرەت سالىپ كوردى. قىزىقتى دارىستەردە زاڭگەر ماماندىعى تۋرالى مالىمەت الىپ، بلوگەر بولۋدىڭ باسىمدىعى تۋرالى ءبىلدى. اقپاراتتىق تەحنولوگيالار مەن تۇلعالىقتى دامىتۋعا ارنالعان دارىستەر ۇلكەن قىزىعۋشىلىق تۋدىردى. دارىسكەرلەر دەرەكتەردى تالداۋ سياقتى قازىرگى ءىت-باعىتتار، ءىت-قۇرىلىمدا ءوز جولىن قالاي باستاۋ جانە ءىت-ينفراقۇرىلىمنىڭ ينجەنەرى ماماندىعى تۋرالى ايتىپ بەردى. سونىمەن قاتار، تالىمگەرلەر جەكە ءارى ومىرلىك قاعيداتتارىمەن، مىسالى، شەت تىلدەردى ۇيرەنۋدىڭ ماڭىزدىلىعى، سالاۋاتتى ءومىر سالتىن ۇستانۋ، جاڭا ورىنعا قالاي بەيىمدەلۋ كەرەك تۋرالى ويلارىمەن ءبولىستى. وقىتۋدىڭ سوڭىندا وقۋشىلارمەن ءوزىن-ءوزى تانۋ بويىنشا پسيحولوگيالىق ترەنينگ وتكىزىلدى.
باعدارلاماعا قاتىسۋشى، 10 سىنىپ وقۋشىسى ارۋجان قوشقارباي: «10-سىنىپتا وقي تۇرا، ءارتۇرلى باعىتتاعى ماماندىقتارمەن تانىسۋ ءارى ولاردىڭ كارەرالىق تاريحىن تىڭداۋ – بۇل ۇلكەن سىي. مەن ءۇشىن كاسىبي پسيحولوگپەن، inDrive كومپانياسىندا بەيىمدەلۋ جونىندەگى مامانمەن وتكىزىلگەن ءوزىن-ءوزى تانۋ بويىنشا ترەنينگ ەرەكشە بولدى، ءبىز جەكە قالاۋلارىمىزدى تالقىلادىق، ولاردى ءوزىمىزدىڭ بويىمىزداعى داعدىلارمەن سالىستىردىق، ءتىپتى عالامشار ءۇشىن ميسسيالاردى تالقىلادىق. وسى ءبىر-ەكى كۇن ىشىندە مەنىڭ كاسىبي دامىتۋشىلىقتى تاڭداۋ تۋرالى وي-ءورىسىم كەڭەيدى»، - دەپ ءوز ويىمەن ءبولىستى.سونداي-اق ءبىلىم بەرۋ بولىگىمەن قاتار، شىعارماشىلىق تا بولدى: تالىمگەرلەر ديدجەينگ، برەيك-دانس، كوركەم سۋرەت بويىنشا شەبەرلىك ساباقتارىن وتكىزدى.
“inDrive قازاقستاندا 2022 جىلدان باستاپ «تالىمگەرلىك» جوباسىن جۇزەگە اسىرادى. جارتى بىل ىشىندە الماتى وبلىسى مەن الماتى قالاسىندا 4 كاسىبي باعدارلاۋ ۇيىمداستىردى جانە وعان 60 وقۋشى قاتىستى. 2023 جىلدىڭ سوڭىنا دەيىن الماتى وبلىسىنىڭ اۋىلدارىندا تاعى 3 باعدارلامانى وتكىزۋدى، سونىمەن قاتار جاڭا جوبا – ۇزاق مەرزىمدى جەكە تالىمگەرلىك باعدارداماسىن ىسكە قوسۋدى جوسپارلاپ وتىرمىز»، - دەيدى جوبا باسشىسى ەرساين كابدراشەۆ.جوبانىڭ قىسقا مەرزىمدى جوسپارىندا وقۋشىلار قازىرگى ماماندىقتار مەن سۇرانىسقا يە ءارى جاڭا ماماندىقتار تۋرالى كوپ مالىمەت الۋ، زاماناۋي ومىرگە ءساتتى بەيىمدەلۋ ءۇشىن قاجەتتى داعدىلاردى الۋ كوزدەلگەن. ۇزاق مەرزىمدى جوسپار – بۇل شالعاي ەلدى مەكەنجەردەگى جاستاردى كارەرا جاساۋدا، باستاپقى ءبىلىم مەن ەڭبەك جولىندا ىرگەتاسىن قالاۋ مۇمكىندىكتەرىن قولداۋدىڭ، سونىمەن قاتار كوشباسشىلىق داعدىلارىن دامىتۋدىڭ باستاماسى. كومپانيا تۋرالى: inDrive – اقش، كاليفورنيا، ماۋنتين-ۆيۋدەگى شتاب-پاتەردەگى كولىك جانە قالالىق قىزمەتتەردىڭ جاھاندىق پلاتفورماسى. nDrive قولدانباسى الەمدە ساپارلارعا تاپسىرىس بەرۋ ءۇشىن جۇكتەلەتىن قولدانبالاردىڭ ىشىندە ەكىنشى ورىندا، قولدانبا 150 ميلليوننان استام رەت جۇكتەلگەن. inDrive ساپارلاردان باسقا، قالاارالىق جانە جۇك تاسىمالداۋدى، ماستەردى شاقىرۋدى، كۋرەرلىك جەتكىزۋ مەن جۇمىس ىزدەۋدى قامتيتىن قالالىق قىزمەتتەر ءتىزىمى بار. inDrive 47 ەلدىڭ 700 استام قالالارىندا قولدانىلادى. كومپانيا ءوزىنىڭ شارتتى تولەم مودەلىنىڭ جانە قوعامداستىقتى قولاۋ باعدارلاماسىنىڭ كومەگىمەن جەلىلىك قوعامداستىقتى قولدايدى، بۇل وعان ءبىلىم، سپورت، ونەر مەن عىلىم، گەندەرلىك تەپە-تەڭدىكتى جانە ومىردە ماڭىزدى باستامالاردى جاقسارتۋعا كومەگىن بەرەدى. تولىق اقپاراتتى www.inDrive.com كورۋگە بولادى
