inDrive halyqaralyq kompaniiasy iQanat bılım qorymen bırlese Almaty oblysy Şengeldı auylynyŋ oquşylaryna arnalǧan «Tälımgerlık» baǧdarlamasyn ötkızdı. Maqsaty – oquşylardy ärtürlı baǧyttaǧy mamandyqtarmen tanystyru jäne özı qalaǧan mamandyǧyn taŋdauǧa kömek körsetu bolyp tabylady. Joba korporativtık äleumettık jauapkerşılık pen korporativtık erıktılık baǧdarlamasyn damytu aiasynda jüzege asyryldy.
Ekı kün boiy digital dizainerler, iOS äzırleuşıler, marketolog, IT-infraqūrylymynyŋ injenerı, zaŋger men psiholog syndy ärtürlı baǧyttaǧy käsıpqoi mamandar «Şengeldı auylynyŋ K.Jalaiyr atyndaǧy №6 orta mektebınıŋ» joǧary synyp oquşylary aldynda söz söiledı. Olar mamandyqtar naryǧyndaǧy özektı mamandyqtar jäne sol mamandyqtarǧa qajettı daǧdylar turaly, sonymen qatar özderınıŋ jeke kareralarynyŋ qalyptasuy turaly äŋgımelep berdı. Jalpy alǧanda 13 ärtürlı taqyryp qamtyldy. Därıskerler men trenerler - inDrive kompaniiasynyŋ qyzmetkerlerı.Grafikalyq jäne veb-dizaiy boiynşa şeberlık sabaǧynda balalar saittar jasap, Figma grafikalyq redaktorda suret salyp kördı. Qyzyqty därısterde zaŋger mamandyǧy turaly mälımet alyp, bloger boludyŋ basymdyǧy turaly bıldı. Aqparattyq tehnologiialar men tūlǧalyqty damytuǧa arnalǧan därıster ülken qyzyǧuşylyq tudyrdy. Därıskerler derekterdı taldau siiaqty qazırgı IT-baǧyttar, IT-qūrylymda öz jolyn qalai bastau jäne IT-infraqūrylymnyŋ injenerı mamandyǧy turaly aityp berdı. Sonymen qatar, tälımgerler jeke ärı ömırlık qaǧidattarymen, mysaly, şet tılderdı üirenudıŋ maŋyzdylyǧy, salauatty ömır saltyn ūstanu, jaŋa orynǧa qalai beiımdelu kerek turaly oilarymen bölıstı. Oqytudyŋ soŋynda oquşylarmen özın-özı tanu boiynşa psihologiialyq trening ötkızıldı.
Baǧdarlamaǧa qatysuşy, 10 synyp oquşysy Arujan Qoşqarbai: «10-synypta oqi tūra, ärtürlı baǧyttaǧy mamandyqtarmen tanysu ärı olardyŋ kareralyq tarihyn tyŋdau – būl ülken syi. Men üşın käsıbi psihologpen, inDrive kompaniiasynda beiımdelu jönındegı mamanmen ötkızılgen özın-özı tanu boiynşa trening erekşe boldy, bız jeke qalaularymyzdy talqyladyq, olardy özımızdıŋ boiymyzdaǧy daǧdylarmen salystyrdyq, tıptı ǧalamşar üşın missiialardy talqyladyq. Osy bır-ekı kün ışınde menıŋ käsıbi damytuşylyqty taŋdau turaly oi-örısım keŋeidı», - dep öz oiymen bölıstı.Sondai-aq bılım beru bölıgımen qatar, şyǧarmaşylyq ta boldy: tälımgerler didjeing, breik-dans, körkem suret boiynşa şeberlık sabaqtaryn ötkızdı.
“inDrive Qazaqstanda 2022 jyldan bastap «Tälımgerlık» jobasyn jüzege asyrady. Jarty byl ışınde Almaty oblysy men Almaty qalasynda 4 käsıbi baǧdarlau ūiymdastyrdy jäne oǧan 60 oquşy qatysty. 2023 jyldyŋ soŋyna deiın Almaty oblysynyŋ auyldarynda taǧy 3 baǧdarlamany ötkızudı, sonymen qatar jaŋa joba – ūzaq merzımdı jeke tälımgerlık baǧdardamasyn ıske qosudy josparlap otyrmyz», - deidı joba basşysy Ersain Kabdraşev.Jobanyŋ qysqa merzımdı josparynda oquşylar qazırgı mamandyqtar men sūranysqa ie ärı jaŋa mamandyqtar turaly köp mälımet alu, zamanaui ömırge sättı beiımdelu üşın qajettı daǧdylardy alu közdelgen. Ūzaq merzımdı jospar – būl şalǧai eldı mekenjerdegı jastardy karera jasauda, bastapqy bılım men eŋbek jolynda ırgetasyn qalau mümkındıkterın qoldaudyŋ, sonymen qatar köşbasşylyq daǧdylaryn damytudyŋ bastamasy. Kompaniia turaly: inDrive – AQŞ, Kaliforniia, Mauntin-Viudegı ştab-päterdegı kölık jäne qalalyq qyzmetterdıŋ jahandyq platformasy. nDrive qoldanbasy älemde saparlarǧa tapsyrys beru üşın jükteletın qoldanbalardyŋ ışınde ekınşı orynda, qoldanba 150 millionnan astam ret jüktelgen. inDrive saparlardan basqa, qalaaralyq jäne jük tasymaldaudy, masterdı şaqyrudy, kurerlık jetkızu men jūmys ızdeudı qamtityn qalalyq qyzmetter tızımı bar. inDrive 47 eldıŋ 700 astam qalalarynda qoldanylady. Kompaniia özınıŋ şartty tölem modelınıŋ jäne qoǧamdastyqty qolau baǧdarlamasynyŋ kömegımen jelılık qoǧamdastyqty qoldaidy, būl oǧan bılım, sport, öner men ǧylym, genderlık tepe-teŋdıktı jäne ömırde maŋyzdy bastamalardy jaqsartuǧa kömegın beredı. Tolyq aqparatty www.inDrive.com köruge bolady
