وقىس وقيعا برازيليانىڭ سان-پاۋلۋ قالاسىندا بولدى. جەرگىلىكتى G1 پورتالىنىڭ جازۋىنشا، سەل سالدارىنان 36 ادام اجال قۇشتى، دەپ حابارلايدى "ادىرنا" ۇلتتىق پورتالى.
- سان-پاۋلۋدا تولاسسىز جاۋعان جاۋىننىڭ سوڭى سەلگە ۇلاستى. سان-سەباستيان اكىمشىلىك ايماعىندا 35 ادام قازا تاپتى. ۋباتۋبا اۋدانىندا دا ءبىر تۇرعىننىڭ جان ءتاسىلىم ەتكەنى انىقتادى.
550 ادام جاعالاداعى قونىستارىن تاستاپ قاشقان. ولاردىڭ 338-ءى ءۇي-كۇيسىز قالدى. سان-پاۋلۋ گۋبەرناتورى تارسيسيو دە فرەيتاس ازاماتتىق قورعانىس باسشىلارىمەن بىرگە سان-كريستوبالعا بارعان. وندا تاۋلىگىنە 600 مم جاۋىن-شاشىن جاۋدى. ەلۋگە جۋىق ءۇي قيرادى. جەرگىلىكتى بيلىك كارناۆال باعدارلامالارىن توقتاتىپ، ايماقتا توتەنشە جاعداي جاريالادى.
"ادىرنا" ۇلتتىق پورتالى
