الماتىدا جەرگىلىكتى اسكەري باسقارۋ ورگاندارىنىڭ ۇيىمداستىرۋىمەن "ەرلىك ساباعى" ءوتتى. اتالعان شارا الماتى قالاسى تۇركسىب اۋدانىنىڭ باسقارماسى مەكتەپ وقۋشىلارىمەن بىرگە اۋعانستاننان اسكەرلەردى شىعارۋدىڭ 30 جىلدىعىنا ارنالعان "ەرلىك ساباعى" وتكىزدى. ءبىرىنشى "ەرلىك ساباعى" تۇركسىب اۋدانىنىڭ 78-مەكتەپ گيمنازياسىندا باستالدى. "ەرلىك ساباعى وسكەلەڭ ۇرپاققا تاربيەلىك تۇرعىدان ورنى ەرەكشە. سونىمەن بىرگە وقۋشىلاردىڭ بويىنا پاتريوتتىق سەزىمىن قالىپتاستىرۋ، ەرلىككە، وتانشىلدىققا، ەلجاندىلىققا، اتالار ەرلىگىن ماقتان تۇتا جالعاستىرۋعا باۋلۋ، اۋعانستانداعى ۇرىس قيمىلدارىنا قاتىسقان ارداگەرلەردىڭ ەرلىگىن ناسيحاتتاۋ بولىپ تابىلادى", - دەدى الماتى قالاسى تۇركسىب اۋدانىنىڭ قورعانىس ىستەرى جونىندەگى باسقارماسى باستىعىنىڭ مىندەتىن اتقارۋشى مايور ءالىمجان قانايبەكوۆ. ساباق "اۋعانستان ءبىزدىڭ ەسىمىمىزدە جانە اۋىر وقيعا" دەگەن تۇساۋكەسەرمەن جانە "اۋعانستان سوعىسى" دەگەن ۆيدەومەن باستالدى.تۇركسىب اۋدانىنىڭ 78- مەكتەپ وقۋشىلارى اۋعان سوعىسى ارداگەرلەرى مەن ولاردىڭ تۋىسقاندارىنا ، قوناقتارىنا ارناپ اۋعان سوعىسى تۋرالىي ولەڭدەر وقىپ، ءان ايتتى. كەش سوڭىندا اۋعان سوعىسىنىڭ ارداگەرلەرى جاستارعا ءوز يگى تىلەكتەرىن ارنادى. ايتا كەتۋ كەرەك، وسى جىلى اۋعانستاننان كەڭەس اسكەرلەرىن شىققانىنا 30 جىل تولادى. وسى ۇرىس قيمىلىنا 22000 قازاقستاندىق قاتىسىپ، 20 ادام حابار-وشارسىز كەتتى. وسىعان وراي الماتى قالاسىندا "ەرلىك ساباعى" بارلىق وقۋ ورىندارىندا شەرۋ، مەموريالدارعا گۇل شوقتارىن قويۋ راسىمدەرى وتكىزىلۋدە. سوعىستان قايتپاعان جاۋىنگەرلەردى ەسكە الۋعا ولاردىڭ انالارى مەن تۋىسقاندارى قاتىستى.
الماتى قالاسى قورعانىس ىستەرى جونىندەگى دەپارتامەنتىنىڭ ءباسپاسوز قىزمەتى
