Almatyda jergilikti áskerı basqarý organdarynyń uıymdastyrýymen "Erlik sabaǵy" ótti. Atalǵan shara Almaty qalasy Túrksib aýdanynyń basqarmasy mektep oqýshylarymen birge Aýǵanstannan áskerlerdi shyǵarýdyń 30 jyldyǵyna arnalǵan "Erlik sabaǵy" ótkizdi. Birinshi "Erlik sabaǵy" Túrksib aýdanynyń 78-mektep gımnazııasynda bastaldy. "Erlik sabaǵy óskeleń urpaqqa tárbıelik turǵydan orny erekshe. Sonymen birge oqýshylardyń boıyna patrıottyq sezimin qalyptastyrý, erlikke, Otanshyldyqqa, eljandylyqqa, atalar erligin maqtan tuta jalǵastyrýǵa baýlý, Aýǵanstandaǵy urys qımyldaryna qatysqan ardagerlerdiń erligin nasıhattaý bolyp tabylady", - dedi Almaty qalasy Túrksib aýdanynyń qorǵanys isteri jónindegi basqarmasy bastyǵynyń mindetin atqarýshy maıor Álimjan Qanaıbekov. Sabaq "Aýǵanstan bizdiń esimimizde jáne aýyr oqıǵa" degen tusaýkesermen jáne "Aýǵanstan soǵysy" degen vıdeomen bastaldy.Túrksib aýdanynyń 78- mektep oqýshylary Aýǵan soǵysy ardagerleri men olardyń týysqandaryna , qonaqtaryna arnap Aýǵan soǵysy týralyı óleńder oqyp, án aıtty. Kesh sońynda Aýǵan soǵysynyń ardagerleri jastarǵa óz ıgi tilekterin arnady. Aıta ketý kerek, osy jyly Aýǵanstannan Keńes áskerlerin shyqqanyna 30 jyl tolady. Osy urys qımylyna 22000 qazaqstandyq qatysyp, 20 adam habar-osharsyz ketti. Osyǵan oraı Almaty qalasynda "Erlik sabaǵy" barlyq oqý oryndarynda sherý, memorıaldarǵa gúl shoqtaryn qoıý rásimderi ótkizilýde. Soǵystan qaıtpaǵan jaýyngerlerdi eske alýǵa olardyń analary men týysqandary qatysty.
Almaty qalasy qorǵanys isteri jónindegi departamentiniń baspasóz qyzmeti
