Almatyda jergılıktı äskeri basqaru organdarynyŋ ūiymdastyruymen "Erlık sabaǧy" öttı. Atalǧan şara Almaty qalasy Türksıb audanynyŋ basqarmasy mektep oquşylarymen bırge Auǧanstannan äskerlerdı şyǧarudyŋ 30 jyldyǧyna arnalǧan "Erlık sabaǧy" ötkızdı. Bırınşı "Erlık sabaǧy" Türksıb audanynyŋ 78-mektep gimnaziiasynda bastaldy. "Erlık sabaǧy öskeleŋ ūrpaqqa tärbielık tūrǧydan orny erekşe. Sonymen bırge oquşylardyŋ boiyna patriottyq sezımın qalyptastyru, erlıkke, Otanşyldyqqa, eljandylyqqa, atalar erlıgın maqtan tūta jalǧastyruǧa baulu, Auǧanstandaǧy ūrys qimyldaryna qatysqan ardagerlerdıŋ erlıgın nasihattau bolyp tabylady", - dedı Almaty qalasy Türksıb audanynyŋ qorǧanys ısterı jönındegı basqarmasy bastyǧynyŋ mındetın atqaruşy maior Älımjan Qanaibekov. Sabaq "Auǧanstan bızdıŋ esımımızde jäne auyr oqiǧa" degen tūsaukesermen jäne "Auǧanstan soǧysy" degen videomen bastaldy.Türksıb audanynyŋ 78- mektep oquşylary Auǧan soǧysy ardagerlerı men olardyŋ tuysqandaryna , qonaqtaryna arnap Auǧan soǧysy turalyi öleŋder oqyp, än aitty. Keş soŋynda Auǧan soǧysynyŋ ardagerlerı jastarǧa öz igı tılekterın arnady. Aita ketu kerek, osy jyly Auǧanstannan Keŋes äskerlerın şyqqanyna 30 jyl tolady. Osy ūrys qimylyna 22000 qazaqstandyq qatysyp, 20 adam habar-oşarsyz kettı. Osyǧan orai Almaty qalasynda "Erlık sabaǧy" barlyq oqu oryndarynda şeru, memorialdarǧa gül şoqtaryn qoiu räsımderı ötkızılude. Soǧystan qaitpaǧan jauyngerlerdı eske aluǧa olardyŋ analary men tuysqandary qatysty.
Almaty qalasy qorǧanys ısterı jönındegı departamentınıŋ baspasöz qyzmetı
