پسج-نىڭ جۇلدىزدارى ليونەل مەسسي مەن كيليان مباپپە كاسىبي مانساپتارىندا تاعى ءبىر رەكورد ورناتتى، دەپ حابارلايدى "ادىرنا" ۇلتتىق پورتالى.
بۇل رەكوردتىق تسيفردى ايگىلى قوس فۋتبولشى فرانتسيا چەمپيوناتىنىڭ 26-تۋرى اياسىندا "نانتقا" قارسى ويىندا قول جەتكىزدى. 35 جاستاعى ارگەنتينالىق ماتچتىڭ 12-مينۋتىندا ەسەپ اشتى. وسىلايشا، مەسسي ءوزىنىڭ اكتيۆىنە مانسابىنداعى 1000-شى ءتيىمدى ارەكەتىن تىركەدى. ول "بارسەلونا" مەن "پاري سەن-جەرمەن" ساپىندا 841 رەت ويىنعا قاتىسىپ، 701 گول سوعىپ، 299 رەت پاس بەرگەن.
ءوز كەزەگىندە كيليان مباپپە "نانت" قاقپاسىنا دوپتى ءدوپ سوعىپ، "پاريجدىكتەر" تاريحىنداعى ەڭ ۇزدىك بومباردير اتاندى. وسى ۋاقىتقا دەيىن فرانتسۋزدىق ءوزىنىڭ استانالىق كلۋبى قۇرامىندا ءجۇرىپ، 201 گول سوعىپ، ەدينسون كاۆانيدى باسىپ وزدى (200).
سونداي-اق، كيليان وسى ماۋسىمداعى "پسج-نىڭ" 30 ماتچىندا 30 گول سوقتى. سونداي-اق، ول 18 گولىمەن فرانتسيا چەمپيوناتىنىڭ ۇزدىك ءبومبارديرى دەپ تانىلعان.
"نانتقا" قارسى ويىندا الاڭ يەلەرى جەڭىسكە جەتتى - 4: 2. ءپاريجدىڭ سۋپەركلۋبىنىڭ كەلەسى ماتچى چەمپيوندار ليگاسى اياسىندا 8 ناۋرىزدا "باۆارياعا" قارسى وتەدى.
