نەمىستىڭ Rheinmetall كونتسەرنى ۋكراينادا تانك زاۋىتىن سالۋ تۋرالى كەلىسسوزدەر جۇرگىزىپ جاتىر. بۇل تۋرالى كومپانيا باسشىسى ارمين پاپپەرگەر Rheinische Post گازەتىنە بەرگەن سۇقباتىندا ايتتى، دەپ حابارلايدى «ادىرنا» ءتىلشىسى.
كاسىپكەردىڭ مالىمدەۋىنشە، زاۋىت قۇرىلىسىنا شامامەن 200 ميلليون ەۋرو قاجەت جانە ونى اۋە شابۋىلىنا قارسى جۇيەلەرمەن قورعاۋعا بولادى. سۇقبات بارىسىندا ول زاۋىتتىڭ ءبىر جىلدا KF51 تيپتەس 400-گە جۋىق تانك شىعارا الاتىنىن اتاپ ءوتتى.
«سوعىستا جەڭىسكە جەتۋ ءۇشىن ۋكرايناعا 600-دەن 800-گە دەيىن تانك قاجەت»،—دەدى باسشى.
سونداي-اق پاپپەرگەر بۇل ماسەلەگە قاتىستى تۇپكىلىكتى شەشىم ەكى اي ىشىندە شىعاتىنىنا سەنىم بەلدىردى.
