Nemistiń Rheinmetall konerni Ýkraınada tank zaýytyn salý týraly kelissózder júrgizip jatyr. Bul týraly kompanııa basshysy Armın Papperger Rheinische Post gazetine bergen suqbatynda aıtty, dep habarlaıdy «Adyrna» tilshisi.
Kásipkerdiń málimdeýinshe, zaýyt qurylysyna shamamen 200 mıllıon eýro qajet jáne ony áýe shabýylyna qarsy júıelermen qorǵaýǵa bolady. Suqbat barysynda ol zaýyttyń bir jylda KF51 tıptes 400-ge jýyq tank shyǵara alatynyn atap ótti.
«Soǵysta jeńiske jetý úshin Ýkraınaǵa 600-den 800-ge deıin tank qajet»,—dedi basshy.
Sondaı-aq Papperger bul máselege qatysty túpkilikti sheshim eki aı ishinde shyǵatynyna senim beldirdi.
