پاۆلودار وبلىسىندا قاتتى سوققان جەل سالدارىنان 21 اۋىلدا جارىق ءوشتى. ەلەكتر قۋاتىنسىز قالعان ابونەنتتەردىڭ ناقتى سانى بەلگىسىز. بۇل تۋرالى وبلىستىق توتەنشە جاعدايلار دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
اقپارات بويىنشا، اپات سالدارىن جويۋ ءۇشىن 22 ادام مەن 5 بىرلىك تەحنيكا جۇمىلدىرىلعان. ال جەل جىلداملىعى سەكۋندىنا 27 مەترگە جەتكەن.
"8 ناۋرىزدا 04:15-تە جاڭاتىلەك اۋىلىندا ب.حايداروۆ اتىنداعى مەكتەپتىڭ شاتىرى جارتىلاي ۇشىپ كەتتى", – دەلىنگەن حابارلامادا.
ال پاۆلوداردا 4 قاباتتى اكىمشىلىك عيمارات شاتىرسىز قالدى.
"اۋدانى 1 440 شارشى مەتر بولاتىن شاتىر تولىعىمەن ۇشىپ كەتتى. عيمارات 1980 جىلى سالىنعان، سوڭعى رەت بىلتىر جوندەۋ جۇرگىزىلگەن", – دەپ قوستى ۆەدومستۆو وكىلدەرى.
ايماقتا زارداپ شەككەندەر جوق. ال تۇرعىندار جەل سالدارىنىڭ ۆيدەوسىن الەۋمەتتىك جەلىدە جاريالاعان.
