كەن ورنىندا كوز جۇمعان قۇتقارۋشىنىڭ مۇردەسى جەر قوينىنا تاپسىرىلدى، دەپ حابارلايدى "ادىرنا" ۇلتتىق پورتالى.
مايقايىڭ التىن كەن ورنىندا وقىس وقيعادان قازا تاپقان قۇتقارۋشى ايدوس شايمەردەندى تۋىستارى اقتىق ساپارعا شىعارىپ سالدى. بۇل تۋرالى جۋرناليست بولات امانباەۆ جەلىدەگى پاراقشاسىندا جازدى.
“ابىز جۇرتى ايدوس شايمەردەندى سوڭعى ساپارعا شىعارىپ سالدى. 36 جاسىندا باقيلىق بولعان قۇتقارۋشىنىڭ ارتىندى بەس بالاسى قالدى. مارقۇمنىڭ دەنەسى 6 اي 15 كۇن وتكەن سوڭ بارىپ تابىلدى. اۆتوبۋس جۇرگىزۋشىسى ءايىپ تلەۋبەرگەندى ىزدەۋ جۇمىستارى جالعاسۋدا”، - دەلىنگەن بولات امانباەۆتىڭ Facebook-تەگى پاراقشاسىندا.
ايدوس شايمەردەننىڭ دەنەسى 19 شىلدە كۇنى تابىلدى. الايدا «مايقايىڭالتىن» كومپانياسى كەنىشىنىڭ شۇڭقىرىنا 4 قاڭتار كۇنى قۇلاپ كەتكەن اۆتوبۋس جۇرگىزۋشىسىنىڭ دەنەسى جەر استىنان ىزدەستىرىلىپ جاتىر.
