اۋدان اكىمى سۋ تاسقىنى كەزىندە جاراقاتتانعان قۇتقارۋشىعا العىسىن ءبىلدىردى، دەپ حابارلايدى "ادىرنا" ءتىلشىسى.
31 ناۋرىز كۇنى باتىس قازاقستاندا قۇتقارۋشىعا ماس كۇيىندە ەر ادام پىشاق سۇعىپ العان بولاتىن. ول اۋداندىق اۋرۋحاناعا جەتكىزىلپ، ەم العان.
1 ءساۋىر كۇنى اۋدان اكىمى سۋ تاسقىنىنىڭ الدىن الۋ كەزىندە جاراقات العان قۇتقارۋشىمەن كەزدەسىپ، ەرەن ەڭبەگى ءۇشىن ريزاشىلىعىن ءبىلدىردى.
"قازىر اۋدانىمىز قيىن جاعدايدا تۇر. جوعارىدان كەلگەن سۋ كولەمى ابىگەرگە سالىپ وتىر. ءبىز جەرگىلىكتى اتقارۋشى بيلىك تاراپىنان قولدان كەلگەن شارالاردىڭ ءبارىن قابىلداپ، جۇمىستانۋدامىز. سۋ تاسقىنىنىڭ الدىن الۋ شارالارى كەزىندە ورىن العان وقىس وقيعادان حاباردارمىن. ەل باسىنا كۇن تۋعان شاقتا قىزمەتتىك بورىشىڭىزدى اتقارۋ بارىسىندا جاسالعا قىلمىستىق ارەكەت ەشبىر اقتاۋعا كەلمەيدى جانە زاڭ اياسىندا ءتيىستى شارالار قابىلدانۋى كەرەك. سىزگە سۋ تاسقىنىنىڭ الدىن الۋ كەزىندەگى ەڭبەگىڭىز ءۇشىن، حالىقپەن بىرگە بولعانىڭىز ءۇشىن العىسىمدى بىلدىرەمىن. تەز ساۋىعىپ، قاتارعا قوسىلۋىڭىزعا تىلەكشىمىن - دەدى اۋدان اكىمى اسلانبەك احمەتوللاۇلى.
قازىرگى تاڭدا زارداپ شەككەن باتىربەك قاپسيقوۆتىڭ جاعدايى بىرقالىپتى، دارىگەرلەر باقىلاۋىندا.
