فرانتسيانىڭ پاريج قالاسىندا زەينەت جاسىن كوتەرۋ تۋرالى زاڭ قابىلدانعاننان كەيىن نارازىلىق شارالارى قايتا باستالدى، دەپ حابارلايدى «ادىرنا» ءتىلشىسى.
زاڭ جوباسى ەلدە جاپپاي نارازىلىقتار مەن ەرەۋىلدەردىڭ ورشۋىنە سەبەپ بولدى. دەسە دە فرانتسيا ۇكىمەتى قۇجاتتى پارلامەنتتىڭ تومەنگى پالاتاسىندا داۋىسقا سالۋسىز قابىلدادى. وسىلايشا زەينەتكەرلىك جاس 62-دەن 64 جاسقا دەيىن كوتەرىلدى.
رەسمي دەرەكتەرگە سۇيەنسەك، قازىرگى تاڭدا شەرۋگە التى مىڭنان استام ادام قاتىسقان. بوردو، گرەنوبل، ستراسبۋرگ، تۋلون، ليلل، نانت قالالارىندا دا اۋقىمدى نارازىلىق اكتسيالارى ءوتتى.
ايتا كەتەيىك، ەل پرەزيدەنتى ەممانۋەل ماكرون ۇسىنعان رەفورماعا سايكەس، ازاماتتاردىڭ زەينەت جاسى 2030 جىلعا دەيىن بىرتىندەپ 64 جاسقا دەيىن كوتەرىلەدى.
