قىزىلوردا وبلىسىندا تاڭعى ساعات 6.00-دە 11 ۋچاسكە اشىلدى. قالعان ۋچاسكەلەر ساعات 7.00-دە ءوز جۇمىسىن باستادى.
ايماق بويىنشا بارلىعى 373 سايلاۋ ۋچاسكەسى بار. ونىڭ 29-ى ەرەكشە جاعدايداعى، ياعني اسكەري گارنيزوندار، تەرگەۋ يزولياتورلارى، ۆاحتالىق قالاشىقتار مەن ەمدەۋ مەكەمەلەرى.
العاش بولىپ قازاقستان رەسپۋبليكاسى ۇلتتىق ۇلانى "وڭتۇستىك" وڭىرلىك قولباسشىلىعى 5547 اسكەري ءبولىمىنىڭ 304 ساربازى مەن قىزمەتكەرى ءوز داۋىسىن بەردى.
تاعى ءبىر ۋچاسكەدە «قۇمكول» كەنىشىندەگى اۋىسىممەن ەڭبەك ەتىپ جاتقان ازاماتتار تاڭمەن تالاسا كەلىسىپ، ءوز داۋىستارىن بەردى.
اۋىسىممەن جۇمىس ىستەيتىن مۇنايشىلار ءبىر مەزەتتە ءوز تاڭداۋىن جاساپ، ازاماتتىق بەلسەندىلىگىن تانىتا ءبىلدى.
ايتا كەتەيىك، قىزىلوردا وبلىسىندا 486002 سايلاۋشى بار.
