كەرى بايلانىس
+7 707 676 6977
adyrnaportal@gmail.com

ساپارباەۆ: ءبىر رەتتىك جاردەماقى 70 مىڭنان 140 مىڭ تەڭگەگە وسەدى

2207
Adyrna.kz Telegram

اقتوبە وبلىسىنىڭ اكىمى بەردىبەك ساپارباەۆ حالىق الدىندا ەسەپ بەرۋ كەزدەسۋىن وتكىزىپ، وندا ءوڭىر باسشىسى كوپبالالارى انالارعا كومەك كورسەتۋ جولدارىن ايتتى، دەپ حابارلايدى قازاقپارات

«كوپبالالى، از قامتىلعان وتباسىلار نازاردان تىس قالمايدى. كومەك كورسەتۋ ءۇشىن قوعامدىق قابىلداۋ جۇرگىزىلدى. ءبارى بۇقارالىق اقپارات قۇرالدارى ارقىلى كورسەتىلىپ جاتىر. سونىمەن قاتار، كاسىپكەرلەردىڭ، كاسىپورىنداردىڭ ەسەبىنەن كومەك بەرىلەتىن بولادى.

وتكەن جىلى 33 مىڭعا جۋىق كوپبالالى، ناشار تۇراتىن وتباسىعا كومەك كورسەتىلدى. 120 مىڭ بالانىڭ جازعى دەمالىسى ۇيىمداستىرىلدى. 132 اتا-اناسىز قالعان بالا پاتەر الدى. سونىمەن قاتار، 54 كوپبالالى وتباسى باسپانالى بولدى. جالپى وتكەن جىلى 265 مىڭ ادامعا كومەك كورسەتىلدى. جۇمسالعان قارجى – 3,4 ميلليارد تەڭگە.

نەگىزى بيۋدجەتتىڭ باسىم بولىگى الەۋمەتتىك سالاعا باعىتتالعان. الداعى ۋاقىتتا قوسىمشا شارا قابىلدانادى. جىلىنا بەرىلەتىن ءبىر رەتتىك جاردەماقى 70 مىڭنان 140 مىڭ تەڭگەگە وسەدى. كوپبالالى انالار ءۇشىن پاتەرگە قاجەتتى العاشقى جارنا سۋبسيديالانادى. بيىل بيۋدجەتتەن قوسىمشا 2 ميلليارد بەرىلسە، ونىڭ 500 ميلليلون تەڭگەسى كوپبالالى انالاردىڭ باسپانالى بولۋىنا باعىتتالادى. ال جۇمىسسىز جۇرگەن ادامدار وقىتىلادى. بۇل ىسكە 200 ميلليون تەڭگە قاراستىرىلعان. كوپبالالى وتباسىلاردىڭ بالاباقشاعا باراتىن بالالارىنا قوسىمشا 100 ميلليون تەڭگە بولىنەدى. ياعني، تاماققا تولەيتىن اقىنىڭ 70 پايىزىن مەملەكەت بەرەدى. مەكتەپتەردە دە تەگىن تاماق ىشەتىن بالالار سانى ارتادى. بۇل جۇمىسقا 700 ميلليون قارجى بولىنەدى. بارلىعى مۇقتاج وتباسىنىڭ 5 مىڭعا جۋىق ادامى جۇمىسقا ورنالاسادى»، – دەدى وبلىس اكىمى بەردىبەك ساپارباەۆ.

دەرەككوز: قازاقپارات

پىكىرلەر