Aqtöbe oblysynyŋ äkımı Berdıbek Saparbaev halyq aldynda esep beru kezdesuın ötkızıp, onda öŋır basşysy köpbalalary analarǧa kömek körsetu joldaryn aitty, dep habarlaidy QazAqparat.
«Köpbalaly, az qamtylǧan otbasylar nazardan tys qalmaidy. Kömek körsetu üşın qoǧamdyq qabyldau jürgızıldı. Bärı būqaralyq aqparat qūraldary arqyly körsetılıp jatyr. Sonymen qatar, käsıpkerlerdıŋ, käsıporyndardyŋ esebınen kömek berıletın bolady.
Ötken jyly 33 myŋǧa juyq köpbalaly, naşar tūratyn otbasyǧa kömek körsetıldı. 120 myŋ balanyŋ jazǧy demalysy ūiymdastyryldy. 132 ata-anasyz qalǧan bala päter aldy. Sonymen qatar, 54 köpbalaly otbasy baspanaly boldy. Jalpy ötken jyly 265 myŋ adamǧa kömek körsetıldı. Jūmsalǧan qarjy – 3,4 milliard teŋge.
Negızı biudjettıŋ basym bölıgı äleumettık salaǧa baǧyttalǧan. Aldaǧy uaqytta qosymşa şara qabyldanady. Jylyna berıletın bır rettık järdemaqy 70 myŋnan 140 myŋ teŋgege ösedı. Köpbalaly analar üşın päterge qajettı alǧaşqy jarna subsidiialanady. Biyl biudjetten qosymşa 2 milliard berılse, onyŋ 500 millilon teŋgesı köpbalaly analardyŋ baspanaly boluyna baǧyttalady. Al jūmyssyz jürgen adamdar oqytylady. Būl ıske 200 million teŋge qarastyrylǧan. Köpbalaly otbasylardyŋ balabaqşaǧa baratyn balalaryna qosymşa 100 million teŋge bölınedı. Iаǧni, tamaqqa töleitın aqynyŋ 70 paiyzyn memleket beredı. Mektepterde de tegın tamaq ışetın balalar sany artady. Būl jūmysqa 700 million qarjy bölınedı. Barlyǧy mūqtaj otbasynyŋ 5 myŋǧa juyq adamy jūmysqa ornalasady», – dedı oblys äkımı Berdıbek Saparbaev.
Derekköz: QazAqparat
