Aqtóbe oblysynyń ákimi Berdibek Saparbaev halyq aldynda esep berý kezdesýin ótkizip, onda óńir basshysy kópbalalary analarǵa kómek kórsetý joldaryn aıtty, dep habarlaıdy QazAqparat.
«Kópbalaly, az qamtylǵan otbasylar nazardan tys qalmaıdy. Kómek kórsetý úshin qoǵamdyq qabyldaý júrgizildi. Bári buqaralyq aqparat quraldary arqyly kórsetilip jatyr. Sonymen qatar, kásipkerlerdiń, kásiporyndardyń esebinen kómek beriletin bolady.
Ótken jyly 33 myńǵa jýyq kópbalaly, nashar turatyn otbasyǵa kómek kórsetildi. 120 myń balanyń jazǵy demalysy uıymdastyryldy. 132 ata-anasyz qalǵan bala páter aldy. Sonymen qatar, 54 kópbalaly otbasy baspanaly boldy. Jalpy ótken jyly 265 myń adamǵa kómek kórsetildi. Jumsalǵan qarjy – 3,4 mıllıard teńge.
Negizi bıýdjettiń basym bóligi áleýmettik salaǵa baǵyttalǵan. Aldaǵy ýaqytta qosymsha shara qabyldanady. Jylyna beriletin bir rettik járdemaqy 70 myńnan 140 myń teńgege ósedi. Kópbalaly analar úshin páterge qajetti alǵashqy jarna sýbsıdııalanady. Bıyl bıýdjetten qosymsha 2 mıllıard berilse, onyń 500 mıllılon teńgesi kópbalaly analardyń baspanaly bolýyna baǵyttalady. Al jumyssyz júrgen adamdar oqytylady. Bul iske 200 mıllıon teńge qarastyrylǵan. Kópbalaly otbasylardyń balabaqshaǵa baratyn balalaryna qosymsha 100 mıllıon teńge bólinedi. Iaǵnı, tamaqqa tóleıtin aqynyń 70 paıyzyn memleket beredi. Mektepterde de tegin tamaq ishetin balalar sany artady. Bul jumysqa 700 mıllıon qarjy bólinedi. Barlyǵy muqtaj otbasynyń 5 myńǵa jýyq adamy jumysqa ornalasady», – dedi oblys ákimi Berdibek Saparbaev.
Derekkóz: QazAqparat
