قىزىلوردا وبلىسىندا سايلاۋعا كەلگەن حالىق ءنوپىرى كوپ. اۋىلدىق جەردەگى ازاماتتار ماڭىزدى كۇننەن قالىس قالماي، ءوز تاڭداۋلارىن جاساۋعا اسىعۋدا.
ءدال بۇگىن 18 جاسقا تولعان وڭىردەگى 14 ازامات العاش رەت داۋىس بەردى. ولار تاۋەلسىز ەلىمىز ءۇشىن ءاربىر ازاماتتىڭ ناۋقاندا تاڭداۋ جاساۋى ماڭىزدى دەيدى.
14 ازاماتتىڭ بارلىعى دا اۋىلدىق ەلدى مەكەندە تۇرادى. سونداي-اق، سايلاۋ كۇنى پەرزەنتحانادا 8 ءسابي دۇنيە ەسىگىن اشتى.
سايلاۋ كۇنى ءوز ۋچاسكەسىن انىقتاۋ ءۇشىن saylau.orda.gov.kz ونلاين پلاتفورمالاسىن 30 مىڭعا جۋىق تۇرعىن قولدانسا، تەلەگرام بوتتى 9 مىڭعا جۋىق ازامات پايدالانعان. سونداي-اق، بۇگىن 109 call ورتالىعىنا 278 قوڭىراۋ ءتۇستى.
ايتا كەتەيىك، وڭىردە 373 سايلاۋ ۋچاسكەسى جانە 486 002 سايلاۋشى بار.
