ءپۋتيننىڭ جولداۋىن قۇلاعىنا كەسپە ءىلىپ تىڭداعان سامارا دەپۋتاتى ميحايل ابدالكينگە سوت 150 مىڭ رۋبل ايىپپۇل سالدى، دەپ حابارلايدى "ادىرنا" ۇلتتىق پورتالى.
سامارا وبلىسىنىڭ نوۆوكۋيبىشەۆسك قالالىق سوتى ميحايل ابدالكيندى رەسەي قارۋلى كۇشتەرىنىڭ بەدەلىن تۇسىرگەنى ءۇشىن كىنالى دەپ تانىدى.
قورعاۋشى تاراپ سوت شەشىمىنە شاعىمداناتىندارىن مالىمدەدى. دەپۋتاتتىڭ ءىسى بويىنشا العاشقى سوت وتىرىسى 7 ناۋرىزدا وتكەن. وندا ابدالكين كىناسىن مويىندامايتىنىن مالىمدەدى.
ەستەرىڭىزگە سالا كەتەيىك، 21 اقپاندا ابدالكين «ۆكونتاكتە» الەۋمەتتىك جەلىسىندەگى پاراقشاسىندا كرەمل باسشىسى ءپۋتيننىڭ جولداۋىن قۇلاعىنا كەسپە ءىلىپ تىڭداپ وتىرعان ۆيدەو جاريالاپ، ەلدەگى ىشكى ساياساتقا وسىلايشا ءوز نارازىلىعىن بىلدىرگەن ەدى.
"ادىرنا" ۇلتتىق پورتالى
