قىزىلوردا وڭىرىندە سايلاۋشىلاردىڭ بەلسەندىلىگى جوعارى. كەشكى 18.00-دەگى اقپاراتقا سايكەس، سايلاۋشىلاردىڭ 65,7 پايىز تاڭداۋ جاساعان. تاڭنان بەرى ۋچاسكەگە داۋىس بەرۋگە اسىققان تۇرعىندار ەل ءۇشىن ماڭىزدى قادام جاساۋدا.
داۋىس بەرۋ كۇنى شەتەلدە ءبىلىم العان سىربويىلىق ستۋدەنتتەر دە ءوز تاڭداۋىن جاسادى. سولاردىڭ ءبىرى – حالىقارالىق، رەسپۋبليكالىق بايقاۋلاردىڭ لاۋرەاتى، جىراۋلىق ونەردىڭ جاس وركەنى، جىراۋ بيداس رۇستەمبەكوۆ پەن قارماقشى اۋداندىق جىراۋلار ءۇيىنىڭ ديرەكتورى ايگەرىم ەشباەۆانىڭ شاكىرتى ماليكا الدامجاروۆا. ول انكاراداعى سايلاۋ ۋچاسكەسىنە كەلىپ، داۋىس بەردى.
ماليكا قورقىت اتا اتىنداعى قىزىلوردا ۋنيۆەرسيتەتىنىڭ ء"داستۇرلى ونەر" فاكۋلتەتىندە ءبىلىم العان. بۇگىندە تۇركيانىڭ انكارا قالاسىندا ماگيستراتۋرادا وقيدى.
مۇنان بولەك، كورەيادا ءبىلىم الاتىن سىربويىلىق جەرلەس مادينا جاقىپبەكوۆا دا داۋىس بەرۋگە اسىققان ستۋدەنتتىڭ ءبىرى. ول ءاربىر جاس مەملەكەت ءۇشىن ماڭىزى بار كۇندە جاي قاراپ وتىرۋعا بولمايتىنىن تىلگە تيەك ەتتى.
ايتۋ كەرەك، ءارتۇرلى مەملەكەتتەردە قىزمەت ەتەتىن قىزىلوردالىق ازاماتتار دا ءوز ۋچاسكەسىنەن داۋىس بەردى.
گرەكيادان ەلەنا كالاندجيدي، كانادادان دانيار كۋرمانباەۆ، كورەيادان - مادينا جاقىپبەك پەن تۇركيادان ساعىنىش نازار، نازەركە باقتيار، بەكارىس نۇريمان داۋىس بەردى. سونداي-اق، حابار اگەنتتىگىنىڭ وزبەكستانداعى مەنشىكتى ءتىلشىسى قىزىلوردالىق راۋان مىڭباي دا ءوز تاڭداۋىن جاسادى.
ەسكە سالايىق، وڭىردە 373 سايلاۋ ۋچاسكەسى بار. وندا 486002 سايلاۋشى تىركەلگەن.
"ادىرنا" ۇلتتىق پورتالى
