قازاقستان تەرريتورياسىندا قاسقىر اۋلاۋدىڭ ءليميتى بەكىتىلدى. بۇل تۋرالى قر اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتىنىڭ ءباسپاسوز حاتشىسى ساكەن دىلداحمەت ءوزىنىڭ فەيسبۋك پاراقشاسىندا ءمالىم ەتتى، دەپ حابارلايدى قازاقپارات.
ۇستىمىزدەگى جىلدىڭ سوڭىنا دەيىن اقمولا، بقو، قاراعاندى، قوستاناي جانە پاۆلودار وبلىستارىندا قاسقىر اتۋعا تىيىم سالىندى. اۋىل شارۋاشىلىعى مينيسترلىگىنىڭ مالىمەتىنشە، بۇل وڭىرلەردە اتالعان دالا جىرتقىشىنىڭ ءتۇرى ازايعان.
اتاپ ايتساق، اقمولا وبلىسىندا 30 قاسقىر قالسا، پاۆلودار وبلىسى بويىنشا بۇل جانۋاردىڭ 194 باسى عانا قالعان. ال وتكەن جىلدىڭ دەرەگى بويىنشا جالپى ەل اۋماعىندا 13 مىڭنان اسا قاسقىر بار.
ەسكەرە كەتەتىن جايت، جوعارىدا اتالىپ وتكەن بەس وڭىردە قاسقىردى تەك قانا ادامعا نەمەسە ءۇي جانۋارلارىنا شابۋىل جاساعاندا، سونداي-اق، اۋىلدى ەلدى مەكەن تەرريتورياسىندا جۇرگەن جاعدايدا عانا اتۋعا رۇقسات ەتىلەدى.
