Qazaqstan terrıtorııasynda qasqyr aýlaýdyń lımıti bekitildi. Bul týraly QR Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet óziniń Feısbýk paraqshasynda málim etti, dep habarlaıdy QazAqparat.
Ústimizdegi jyldyń sońyna deıin Aqmola, BQO, Qaraǵandy, Qostanaı jáne Pavlodar oblystarynda qasqyr atýǵa tyıym salyndy. Aýyl sharýashylyǵy mınıstrliginiń málimetinshe, bul óńirlerde atalǵan dala jyrtqyshynyń túri azaıǵan.
Atap aıtsaq, Aqmola oblysynda 30 qasqyr qalsa, Pavlodar oblysy boıynsha bul janýardyń 194 basy ǵana qalǵan. Al ótken jyldyń deregi boıynsha jalpy el aýmaǵynda 13 myńnan asa qasqyr bar.
Eskere ketetin jaıt, joǵaryda atalyp ótken bes óńirde qasqyrdy tek qana adamǵa nemese úı janýarlaryna shabýyl jasaǵanda, sondaı-aq, aýyldy eldi meken terrıtorııasynda júrgen jaǵdaıda ǵana atýǵa ruqsat etiledi.
