تەلەجۇرگىزۋشى ساۋلە ابەدينوۆا زەينەتاقى قورىندا كەلەڭسىز جايتقا تاپ بولعانىن ايتتى. جۋرناليست زەينەتاقى قورىنان قازا بولعان ۇلىنىڭ جەرلەۋىنە بەرىلەتىن سومانىڭ قانشا ەكەنىن بىلمەك بولعان، – دەپ حابارلايدى stan.kz.
ساۋلە ابەدينوۆا بجزق-نا ارنايى بارىپ، قايتىس بولعان ۇلىنىڭ جەرلەۋىنە بەرىلەتىن سوما جايلى سۇرادى. الايدا قىزمەتكەر سوما جايلى اقپارات بەرۋدەن باس تارتقان. ول ءۇشىن مارقۇمنىڭ اناسى ەكەنىن نوتاريۋس ارقىلى راستايتىن قاعاز كەرەك ەكەنىن العا تارتقان.
«مەنىڭ قولىمدا ۇلىمنىڭ ءولىمى تۋرالى، ءوزىمنىڭ تۋ تۋرالى كۋالىگىم تۇر. ونىڭ اناسى ەكەنىم بەلگىلى بولسا، نە ءۇشىن نوتاريۋس ارقىلى راستاپ، ۋاقىت جوعالتۋىم كەرەك؟ ءار جەرگە بارىپ اناسى ەكەنىمدى راستاپ جۇرگەندە اقشا جۇمسالادى. ال، ۇلىمنىڭ جەرلەۋىنە قوردان بەرىلەتىن سوما ونىڭ وتەۋىنە تاتي ما؟ ماعان سونى عانا ءبىلۋ كەرەك بولىپ تۇر»، – دەيدى ابەدينوۆا.
ال، بجزق اكىمشىسى كەلىپ، ولاردىڭ زاڭ بويىنشا سوما جايلى ايتا المايتىنىن جەتكىزدى.
تەلەجۇرگىزۋشى مۇنىڭ قيسىنسىز ەكەنىن، ازاماتتاردىڭ نوتاريۋسقا سابىلماي-اق قولىنداعى قۇجاتىمەن جاقىنى ەكەنىن دالەلدەۋگە بولاتىنىن ايتتى.
«قىزمەتكەر ول سومانى بىلۋگە قايتىس بولعان ادامنىڭ ءوزى كەلۋ كەرەك دەدى. قايتىس بولعان ادام قالاي كەلەدى؟»، – دەيدى تەلەجۇرگىزۋشى.
بۇعان دەيىن تەلەجۇرگىزۋشىنىڭ جالعىز ۇلىنان ايىرىلعانىن جازعان ەدىك. ال، جاقىندا قايتىس بولعان ادامنىڭ جەرلەۋىنە مارقۇمنىڭ زەينەتاقى قورىنان اقشا بەرىلەتىنى ايتىلدى.
