دانيا قۇراماسىنىڭ شابۋىلشىسى مارتين برايتۋەيت 26 ناۋرىز كۇنى دانيالىقتار ەۋرو-2024 ىرىكتەۋ كەزەڭىندە قازاقستان قۇراماسىنا قارسى وينايتىن "استانا ارەناداعى" جاساندى كوگالدى سىنعا الدى. بۇل تۋرالى Vesti.kz پورتالى جاريالادى، دەپ حابارلايدى “ادىرنا” ۇلتتىق پورتالى.
فۋتبولشىنىڭ ايتۋىنشا، جاساندى كوگال قوناقتارعا ىڭعايسىز.
"بۇل وتە قورقىنىشتى. جاساندى شوپتە ويناۋ زاڭدى بولماۋى كەرەك. ول دەنەگە اۋىر تيەدى جانە جاساندى ءشوپتىڭ ۇستىندە اۋىسىپ، جۇگىرۋ قيىن. بىراق ءبىز سوندا دا شىعىپ، جەڭىسكە جەتۋىمىز كەرەك", - دەدى ول.
ەسكە سالايىق، ەۋرو-2024 ىرىكتەۋ كەزەڭىنىڭ باستاپقى كەزەڭىندە قازاقستان قۇراماسى سلوۆەنيادان ۇتىلىپ (1:2), دانيا قۇراماسى فينليانديانى (3:1) ۇتقان بولاتىن.
