قازاقستان رەسپۋبليكاسى ۇكىمەتىنىڭ قاۋلىسىمەن ميراس قاليۇلى تولەباەۆ تۋريزم جانە سپورت ۆيتسە-ءمينيسترى بولىپ تاعايىندالدى، دەپ حابارلايدى «ادىرنا» ۇلتتىق پورتالى ۇكىمەتتىڭ رەسمي سايتىنا سىلتەمە جاساپ.
ميراس تولەباەۆ 1986 جىلى قوستاناي وبلىسىندا دۇنيەگە كەلگەن. ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن، ق. ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىن، قر پرەزيدەنتى جانىنداعى مەملەكەتتىك باسقارۋ اكادەمياسىن بىتىرگەن.
ەڭبەك جولىن 2008 جىلى قورعانىس شەكارا ماڭى ىنتىماقتاستىعى ورتالىعىندا باس مامان بولىپ باستاعان.
2009-2010 جىلدارى – «قورعاس» شەكارا ماڭى ىنتىماقتاستىعى حالىقارالىق ورتىلىعىندا باس مامان، باس مەنەدجەر.
2010-2011 جىلدارى – ەنەرگەتيكا جانە مينەرالدىق رەسۋرستار مينيسترلىگى مۇناي جانە گاز ونەركاسىبىنىڭ باس ديسپەتچەرلىك باسقارماسى دەپارتامەنتىنىڭ باس ساراپشىسى، مەملەكەتتىك ەنەرگەتيكالىق قاداعالاۋ جونىندەگى كوميتەت باسقارماسىنىڭ 1-ساناتتاعى ساراپشىسى، يندۋستريا جانە جاڭا تەحنولوگيالار مينيسترلىگى ونەركاسىپ كوميتەتى باسقارماسىنىڭ ساراپشىسى، باس ساراپشىسى.
2012-2014 جىلدارى – مۇناي جانە گاز مينيسترلىگى مۇناي-گاز كەشەنىندەگى مەملەكەتتىك ينسپەكتسيالىق كوميتەتى باسقارماسىنىڭ باس ساراپشىسى.
2014-2015 جىلدارى قىزىلوردا وبلىسىنىڭ يندۋستريالىق-يننوۆاتسيالىق دامۋ باسقارماسى باسشىسىنىڭ ورىنباسارى بولىپ جۇمىس ىستەدى.
2015-2016 جىلدارى – قىزىلوردا وبلىسىنىڭ كاسىپكەرلىك جانە تۋريزم باسقارماسىنىڭ باسشىسى.
2016-2017 جىلدارى جەكە مەنشىك قۇرىلىمداردا جۇمىس ىستەدى.
2017 جىلى – ەلوردانى تۇراقتى دامىتۋ ورتالىعى ديرەكتورىنىڭ ورىنباسارى.
2017-2022 جىلدارى – مادەنيەت جانە سپورت مينيسترلىگى تۋريزم يندۋسترياسى كوميتەتى باسقارماسىنىڭ باسشىسى.
2022-2023 جىلدارى – مادەنيەت جانە سپورت مينيسترلىگى تۋريزم يندۋسترياسى كوميتەتى توراعاسىنىڭ ورىنباسارى.
2023 جىلعى قاراشا ايىندا قر تۋريزم جانە سپورت ۆيتسە-ءمينيسترى بولىپ تاعايىندالدى.
«ادىرنا» ۇلتتىق پورتالى
