فۋتبولدان دانيا قۇراماسىنىڭ قازاقستان تۋىن شاتاستىرعان پوستى جەلىدە داۋ تۋدىردى، دەپ حابارلايدى “ادىرنا” ۇلتتىق پورتالى Vesti.kz سايتىنا سىلتەمە جاساپ.
دانيا قۇراماسىنىڭ «استانا ارەنادا» قازاقستانعا قارسى وتەتىن بۇگىنگى ويىنىن جاريالاعان باسىلىمى كوپتىڭ اشۋىن تۋعىزدى.
قازاقستان تۋىنىڭ ديزاينىن وزگەرتىپ قويعان پوستتىڭ استىنا جازعان بىرنەشە پىكىردەن كەيىن دانيالىقتار قازاقستاننىڭ ناعىز تۋىن بەينەلەيتىن باسىلىمىن قايتا شىعاردى.
بۇل قازاقستاننىڭ تۋىنىڭ ينتەرنەتتە كەزدەسەتىن ستيلدەرىنىڭ ءبىرى عانا بولسا كەرەك.
مىسالى، شۆەيتساريادا ورنالاسقان حالىقارالىق ازاماتتىق قورعانىس ۇيىمىنىڭ (حقۇۇ) سايتىندا قازاقستاننىڭ تۋى وسىنداي ستيلدە بەينەلەنگەن.
تۋدىڭ ءدال وسىنداي نۇسقاسى رەسەيلىك سپورت سايتتارىنىڭ بىرىندە دە قولدانىلعان ەدى.
