پۋتين: رەسەي قىتايمەن ەشقانداي اسكەري وداق قۇرىپ جاتقان جوق

2150
Adyrna.kz Telegram

رەسەي قىتايمەن ەشقانداي اسكەري وداق قۇرىپ جاتقان جوق. بۇل تۋرالى رەسەي فەدەراتسياسىنىڭ پرەزيدەنتى ۆلاديمير پۋتين  "روسسيا 24" ارناسىنا بەرگەن سۇحباتىندا مالىمدەدى، دەپ حابارلايدى "ادىرنا ۇلتتىق پورتالى. 

پۋتين "ماسكەۋ مەن بەيجىڭ بىرلەسىپ، باتىسقا قاۋىپ ءتوندىرىپ تۇرعانىن" جوققا شىعاردى.

"بۇنىڭ ءبارى شىندىققا جاناسپايدى. سەبەبى ءبىز قىتايمەن ەشقانداي اسكەري وداق قۇرىپ جاتقىن جوقپىز", - دەدى پۋتين.

الايدا، پۋتين اسكەري سالاداعى ىنتىماقتاستىق بايلانىس بار ەكەنىن راستادى. بىراق ول جاعىنان ەشقانداي قۇپيا جوق ەكەنىن ايتتى.

 "يا، بىزدە اسكەري-تەحنيكالىق سالادا ىنتىماقتاستىق بار. ونى جاسىرمايمىز، بارلىعى اشىق. ول جەردە ەشقانداي قۇپيا جوق", - دەپ اتاپ كورسەتتى پۋتين.
بۇگىندە رەسەي قىتايمەن بىرگە اسكەري جاتتىعۋلار دا وتكىزەدى. ايتۋىنشا، ونداي شارالاردى باسقا ەلدەرمەن دە ۇيىمداستىرادى.

پىكىرلەر