Reseı Qytaımen eshqandaı áskerı odaq quryp jatqan joq. Bul týraly Reseı Federaııasynyń prezıdenti Vladımır Pýtın "Rossııa 24" arnasyna bergen suhbatynda málimdedi, dep habarlaıdy "Adyrna ulttyq portaly.
Pýtın "Máskeý men Beıjiń birlesip, Batysqa qaýip tóndirip turǵanyn" joqqa shyǵardy.
"Bunyń bári shyndyqqa janaspaıdy. Sebebi biz Qytaımen eshqandaı áskerı odaq quryp jatqyn joqpyz", - dedi Pýtın.
Alaıda, Pýtın áskerı saladaǵy yntymaqtastyq baılanys bar ekenin rastady. Biraq ol jaǵynan eshqandaı qupııa joq ekenin aıtty.
"Iá, bizde áskerı-tehnıkalyq salada yntymaqtastyq bar. Ony jasyrmaımyz, barlyǵy ashyq. Ol jerde eshqandaı qupııa joq", - dep atap kórsetti Pýtın.
Búginde Reseı Qytaımen birge áskerı jattyǵýlar da ótkizedi. Aıtýynsha, ondaı sharalardy basqa eldermen de uıymdastyrady.
