Qytaimen tıresu arzanǧa tüspeidı. AQŞ prezidentı Donald Tramp tvitterde osylai dep mälımdedı. "Öte jaqsy kelısım jasaǧanymyz sol edı, onyŋ siiasy keppei jatyp älem Qytaidan şyqqan keselden qaljyrady" dep jazdy Tramp. Būl turaly centralasian.org jazdy.
Būnyŋ aldynda ǧana Aq üi basşysy Pekinmen bırge qabyldaǧan sauda kelısımın qaita qaramaitynyn aitqan. Aqparat qūraldarynyŋ mälımetınşe, AQŞ-taǧy koronavirus pandemiiasyna bailanysty qalyptasqan jaǧdaidy öz müddesıne paidalanǧysy kelgen Qytai kelısımdı būzyp, odan da tiımdı şarttardy moiyndatqysy bar.
Būl uaqytta respublikaşyl senator Lindsi Grem "COVID-19 üşın jauapkerşılık turaly" zaŋ jobasyn talqylaudy ūsyndy. Pekin koronavirus dertınıŋ taraluy turaly barlyq eseptı bermese, būl qūjat Trampqa Qytaiǧa sanksiia saluǧa mümkındık beredı.
AQŞ pen Qytai sauda-ekonomikalyq kelısımnıŋ bır parasyn biyl qaŋtardyŋ ortasynda qabyldady. Qūjatqa säikes, AQŞ ekı jylda Qytai baǧytyndaǧy importyn 200 milliard dollarǧa köbeitıp, qytai tauaryna salynatyn amerikalyq salyqty qysqartady.
AQŞ - koronavirustan eŋ qatty zardap şekken el. Soŋǧy mälımet boiynşa, Qūrama Ştattarda COVID-19 virusyn jūqtyrǧandar jarty millionǧa juyqtady. 84 myŋǧa juyq adam qaterlı ındetten köz jūmdy.
Ūqsas jaŋalyqtar
