تۇركىستان پوليتسياسى جوعالعان ءجاسوسپىرىمدى ىزدەستىرىپ جاتىر. بۇل تۋرالى polisia.kz جاريالادى، دەپ حابارلايدى "ادىرنا" ۇلتتىق پورتالى.
اناسى كامەلەتكە تولماعان قىزى 25 ناۋرىزدا ساعات 17:00 شاماسىندا ۇيدەن ويناۋعا شىعىپ، ورالماعانىن حابارلاعان. جوعالعان قىزدى ىزدەۋگە تاجىريبەلى پوليتسەيلەر توبى جۇمىلدىرىلعان.
"كامەلەتكە تولماعان قىز تۋرالى اقپارات پەن سۋرەتى بارلىق پوليتسيا بولىمدەرىنە جىبەرىلدى. پوليتسەيلەر ءجاسوسپىرىمنىڭ بارۋى مۇمكىن جەرلەردى مۇقيات تەكسەرىپ، ونىڭ تانىستارىمەن سويلەستى. ۋچاسكەلىك ينسپەكتورلار ويىن-ساۋىق ورىندارى مەن ساياباقتاردى تەكسەرىپ جاتىر", - دەلىنگەن حابارلامادا.
ءجاسوسپىرىمنىڭ بويى 130-135 سانتيمەتر، شاشى ۇزىن قارا-قوڭىر ءتۇستى. ۇستىندە جەيدە، قارا دجينسى شالبار، اياعىندا قارا ءتۇستى اياق كيىم بولعان.
ءجاسوسپىرىم تۋرالى قانداي دا ءبىر اقپارات بولسا، تۇركىستان قالالىق پوليتسيا باسقارماسىنىڭ كەزەكشى بولىمىنە 8-725-33-97-40-94, 8-747-497-42-24, 8-701-480-78-88 نومىرلەرى ارقىلى نەمەسە 102 ارناسىنا حابارلاسۋ سۇرالادى.
