تۇركىستان وبلىسىنىڭ تۇرعىنىنا ۇلتارالىق ارازدىقتى قوزدىرىپ، ۆيدەو تۇسىرگەنى ءۇشىن حالىقارالىق ىزدەۋ جاريالاندى، دەپ حابارلايدى «ادىرنا» ءتىلشىسى.
وبلىستىق پوليتسيا دەپارتامەنتى 28 جاستاعى ەر ادامنىڭ قازاق جانە وزبەك حالىقتارى وكىلدەرىنىڭ اراسىندا الاۋىزدىق تۋدىرعانىن اتاپ ءوتتى.
«بۇل فاكتى بويىنشا قر قىلمىستىق كودەكسىنىڭ 174-بابى – "الەۋمەتتىك، ۇلتتىق، رۋلىق، ناسىلدىك، تاپتىق نەمەسە ءدىني ارازدىقتى قوزدىرۋ" بويىنشا قىلمىستىق ءىس قوزعالىپ، كۇدىكتىگە حالىقارالىق ىزدەۋ جاريالاندى. ەر ادامنىڭ شەتەلدە جۇرگەنى انىقتالدى»،—دەلىنگەن حابارلامادا.
ەر ادام الەۋمەتتىك جەلى ارقىلى كوپشىلىكتەن كەشىرىم سۇرادى.
«بارلىعىڭىزدان كەشىرىم سۇرايمىن. قازاقستاندا بىرەۋمەن-بىرەۋ ۇرىسىپ، كەلىسپەۋشىلىك بولعان ەمەس. قانشاما دوس، قانشاما تانىسىم بار.. ءسوز اۋزىمنان بايقاۋسىزدا شىقتى»،—دەدى ول.
بۇعان دەيىن تۇركىستان تۇرعىنى وزبەك كوتەرىلسە، قازاقتاردىڭ جاعدايى قيىن بولاتىنىن ايتقان ەدى.
