27 ناۋرىزدا ماڭعىستاۋ وبلىسى جەتىباي اۋىلىنىڭ جۇمىسسىز تۇرعىندارى جولدى جاۋىپ تاستادى، دەپ جازادى "ادىرنا" ۇلتتىق پورتالى.
اۋدان اكىمدىگىنىڭ حابارلاۋىنشا، جەتىباي اۋىلىنىڭ 50-گە جۋىق جۇمىسسىز تۇرعىنى مۇناي-گاز سالاسىنا جۇمىسقا ورنالاسۋدى تالاپ ەتىپ، اۋىل اكىمدىگىنىڭ الدىنا جينالدى.
سونداي-اق ازاماتتار تەز ارادا جۇمىسقا ورنالاستىرۋدى تالاپ ەتىپ، جەتىباي №6 مۇناي كاسىپشىلىگىنە اپاراتىن جولدى جاۋىپ تاستاعان.
"قازىرگى تاڭدا قاراقيا اۋدانىنىڭ اكىمى ق.بەكوۆ پەن ماڭعىستاۋ وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ءا.شوپانوۆ زاڭسىز نارازىلىق اكتسياسىنا قاتىسۋشىلارعا ءتۇسىندىرۋ جۇمىستارىن جۇرگىزۋدە. اۋدان اكىمى قىدىربەردى بەكوۆ ءتۇسىندىرۋ جۇمىستارىن جالعاستىرۋ ءۇشىن جينالعانداردى جەتىباي اۋىلىنداعى مادەنيەت ءۇيىنىڭ عيماراتىندا شاقىرىپ، جەرگىلىكتى اتقارۋشى ورگانداردىڭ حالىقتى جۇمىسپەن قامتۋ ماسەلەلەرىن شەشۋ باعىتىندا جۇمىس اتقارىپ جاتقانىن جەتكىزدى", - دەلىنگەن حابارلامادا.
اۋدان اكىمى قىدىربەردى بەكوۆتىڭ مالىمدەۋىنشە، جينالعان تۇرعىنداردىڭ تالاپتارى نەگىزسىز. سەبەبى، اۋداننىڭ بارلىق تۇرعىنىن ءبىر مەزگىلدە مۇناي-گاز سالاسىنا جۇمىسقا ورنالاستىرۋ مۇمكىن ەمەس. سونىمەن قاتار جۇمىسپەن قامتۋ ورتالىعى ۇسىنىپ وتىرعان بارلىق مۇمكىندىكتى پايدالانۋ قاجەت.
"ادىرنا" ۇلتتىق پورتالى
