27 naýryzda Mańǵystaý oblysy Jetibaı aýylynyń jumyssyz turǵyndary joldy jaýyp tastady, dep jazady "Adyrna" ulttyq portaly.
Aýdan ákimdiginiń habarlaýynsha, Jetibaı aýylynyń 50-ge jýyq jumyssyz turǵyny munaı-gaz salasyna jumysqa ornalasýdy talap etip, aýyl ákimdiginiń aldyna jınaldy.
Sondaı-aq azamattar tez arada jumysqa ornalastyrýdy talap etip, Jetibaı №6 munaı kásipshiligine aparatyn joldy jaýyp tastaǵan.
"Qazirgi tańda Qaraqııa aýdanynyń ákimi Q.Bekov pen Mańǵystaý oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy Á.Shopanov zańsyz narazylyq akııasyna qatysýshylarǵa túsindirý jumystaryn júrgizýde. Aýdan ákimi Qydyrberdi Bekov túsindirý jumystaryn jalǵastyrý úshin jınalǵandardy Jetibaı aýylyndaǵy mádenıet úıiniń ǵımaratynda shaqyryp, jergilikti atqarýshy organdardyń halyqty jumyspen qamtý máselelerin sheshý baǵytynda jumys atqaryp jatqanyn jetkizdi", - delingen habarlamada.
Aýdan ákimi Qydyrberdi Bekovtyń málimdeýinshe, jınalǵan turǵyndardyń talaptary negizsiz. Sebebi, aýdannyń barlyq turǵynyn bir mezgilde munaı-gaz salasyna jumysqa ornalastyrý múmkin emes. Sonymen qatar Jumyspen qamtý ortalyǵy usynyp otyrǵan barlyq múmkindikti paıdalaný qajet.
"Adyrna" ulttyq portaly
