ماڭعىستاۋ وبلىسى، جەتىباي كەنتىندەگى ەرەۋىلشىلەر ءتورتىنشى كۇن قاتارىنان اشتىق جاريالاپ، دالادا تۇنەپ ءجۇر، دەپ جازادى "ادىرنا" ءتىلشىسى. بۇل تۋرالى "ازاتتىق" مالىمدەدى.
اۋىل تۇرعىندارى جۇمىسسىزدىق سالدارىنان اشتىق جاريالاعان. ولاردىڭ جالعىز تالابى – «ماڭعىستاۋمۇنايگاز» سەرىكتەستىگىنىڭ مۇناي كاسىپشىلىگىنەن ولارعا بوس جۇمىس ورىندارىن اشىپ بەرۋى. ەرەۋىلشىلەر ءتىپتى كەن ورنىنا باراتىن جولدى جاۋىپ تاستاعان.
«بالاڭا ءبىر زات الىپ بەرەيىن دەسەڭ، قولىڭدا دىم جوق. قىل-اياعى بەس مىڭ تەڭگە. نە ىستەيسىڭ؟ وسىندا جۇرەسىڭ حالىق اراسىندا. تۇندە ۇيقىدان تۇراسىڭ. بالاڭدى ساعىناسىڭ، ەشتەڭە ىستەي المايسىڭ. قولىڭنان دىم دا كەلمەيدى»، - دەيدى نارازىلىققا شىققان ازاماتتاردىڭ ءبىرى ازاتتىق راديوسىنىڭ تىلشىسىنە.
كىشكەنتاي بالالارىنا ءبىر ءۇزىم نان اپارا الماي جۇرگەن كوپ بالالى انالار بيلىكتەن جۇمىس تاۋىپ بەرۋىن سۇرايدى.
پوسموترەت ەتۋ پۋبليكاتسيۋ ۆ Instagram
