لۋكاشەنكو ءوز جولداۋىندا ۋكرايناداعى قاقتىعىسقا قاتىستى ارنايى پىكىر ءبىلدىردى. ول باتىسقا قاراتا ءسوز سويلەپ، "جانىنىڭ بارىندا" بىتىمگە كەلۋگە شاقىردى. ەگەر باتىس تاعى الداپ-سۋلاپ، مۇنداي تاماشا مۇمكىندىكتى ۋىسىنان شىعارىپ الاتىن بولسا، ولاردى "بايىتىلعان ۋرانمەن" توپەلەيتىنىن حابارلادى، دەپ جازادى "ادىرنا" ۇلتتىق پورتالى.
الەكساندر لۋكاشەنكو ءوز حالقىنا جولداۋىندا تۇتاس باتىسقا قاراتا حابارلاندىرۋ ايتىپ، ۋكرايناداعى قاقتىعىستا ءوزارا بىتىمگە كەلۋدى ۇسىندى. ونىڭ سوزىنشە، باتىس بۇلعاقتاۋسىز، بۇرا تارتپادان، ناقتى تالاپتار توڭىرەگىندە بىتىمگە كەلۋى ءتيىس.
- قارقىندى سوققىمىز باستالماي تۇرعاندا، ياعني تاپ قازىر بارلىعىن دوعارعان دۇرىس. اسكەري قاقتىعىستى توقتاتۋعا قاتىستى ۇسىنىسىمدى ايتۋعا وقتالىپ وتىرمىن. اسكەردى جىلجىتۋ مەن قارۋ-جاراق، تەحنيكانى تاسىمالداۋدى توقتاتىپ، بىتىمگە كەلۋ كەرەك. ەگەر مۇنى باتىس تاعى ايلاعا بۇرىپ، الداپ-cۋلاۋ ءۇشىن قولدانسا، رەسەي ءوز اسكەرىنىڭ بار قارقىنىن باتىستى جاپىرىپ وتۋگە جۇمسايدى. بايىتىلعان ۋران مەن شيراتىلعان ۋراننىڭ كۇشىنە جۇگىنەدى. اسكەري ادامدار مەنىڭ نە ايتپاق بولعانىمدى جاقسى ءتۇسىنۋى ءتيىس، - دەپ جوڭكىلدى لۋكاشەنكو.
ورايى كەلگەندە ايتا كەتەيىك، جوعارعى دارەجەدە بايىتىلعان ۋران يادرولىق قارۋ دايىنداۋعا قولدانىلادى.
"ادىرنا" ۇلتتىق پورتالى
