ساياساتكەر ءامىرجان قوسانوۆ جازۋشىلار قاتارىنا قوسىلدى. ول قازاقستان جازۋشىلار وداعىنانا مۇشەلىككە وتكەن 9 ادامنىڭ قاتارىندا، دەپ حابارلايدى "ادىرنا" ۇلتتىق پورتالى.
"جاس الاش" باسىلىمىنىڭ حابارلاۋىنشا, ءامىرجان قوسانوۆتىڭ جازۋشىلار وداعىمەن قاتار پەن-كلۋبقا مۇشە بولعان. ساياساتكەر ءوزىنىڭ قالام تەربەپ، ولەڭ جازاتىنىن حابارلادى. ءوزىنىڭ ايتۋىنشا، ءبىر كىتاپقا جۇك بولاتىن ولەڭدەرى بار.«ويتكەنى مەن جاستايىمنان ولەڭ جازاتىنىم بار ەدى. «جالىن»، «جۇلدىز»، «تاڭشولپان» جۋرنالدارىندا، «قارلىعاش» جيناعىندا ءبىر توپ ولەڭدەرىم جارىق كورگەن. پۋبليستيكام بار دەگەندەي… ونىڭ ۇستىنە كەزىندە قۇرعان «جاڭا قازاقستان» قوزعالىسىمىزدى تىركەمەدى. رەسمي، ساياسي قىزمەتپەن اينالىساتىن مىنبە جوق. سوندىقتان قولىمدا قالامىم بار، سونى پايدالانامىز، جازامىز. پەن-كلۋبقا مۇشە بولعام سەبەبىم، بۇل كلۋب ءسوز بوستاندىعىن قولدايدى. سونىڭ ىشىندە قۋدالاۋدا جۇرگەن جۋرناليستەرگە كومەك كورسەتەدى»، — دەيدى ول. ءامىرجان قوسانوۆ شىعارماشىلىقپەن باياعىدان اينالىساتىنىن، وتكەن عاسىردىڭ 80-جىلدارىندا جو-تا ولەڭ وقىعانىن ايتتى. «سول كەزدەرى جازۋشىلار وداعىنان شىقپايتىن ەدىك. ولەڭ وقيتىنبىز. اقساقالداردىڭ باتاسىن الدىق. 60-قا تاقاعان جاسىمدا ءوزىمدى لايىقتى دەپ ساناپ, ءوتىنىش جازدىم»، — دەيدى ساياساتكەر.سونىمەن قاتار، اۆتور "ەسكى قازاقتستاندى" بەتىڭ بار، ءجۇزىڭ بار دەمەي اياۋسىز سىناعانىن دا ەسكە سالىپ ءوتتى:
«ەسكى قازاقستان كەزىندە جازىلعان ولەڭدەرىم اششىلاۋ عوي. جاڭاوزەن، جەلتوقسان… جالپى ايتقاندا الەۋمەتتىك ليريكا جازدىم. كەيدە بيلىك، جەمقورلىق، سايلاۋ تاقىرىبىندا دا قالام تەربەدىم. ەسكى قازاقستان كەزىندە ونى ەشكىم باسىپ شىعارمايتىن. جاڭا قازاقستاندا كورەمىز ەندى، ۋاقىت كەرەك، جيناقتاۋ قاجەت. ءبارى رەتىمەن بولىپ جاتسا كىتاپ ەتىپ باستىرامىز»، — دەيدى ءامىرجان قوسانوۆ.
"ادىرنا" ۇلتتىق پورتالى