قر پارلامەنتى ءماجىلىسىنىڭ دەپۋتاتى ماقسات تولىقباي قىزىلجارلىق الدەبىر "سەپاراتيست" اتانعان توپتىڭ ارەكەتىنە قاتىستى پىكىر ءبىلدىرىپ، ارنايى مالىمدەمە جاسادى. دەپۋتات باس پروكۋروردىڭ اتىنا اشىق حات جولداناتىنان ايتتى، دەپ حابارلايدى "ادىرنا" ۇلتتىق پورتالى.
ماقسات تولىقباي مۇنداي اسىرە بەلسەندىلەردىڭ ارەكەتىن سىنعا الىپ، ارىپتەستەرى ابزال قۇسپان جانە وزگە دە دەپۋتاتتارمەن بىرلەسە وتىرىپ باس پروكۋروردىڭ اتىنا اشىق حات جولدادى.
- ءبىزدىڭ باستى قۇندىلىعىمىز - مەملەكەتتىڭ تۇتاستىعى، تۇراقتىلىعى. ءۇي ىشىنەن ءۇي تىگۋگە جول بەرىلمەيدى. ارانداتۋشىلار مىندەتتى تۇردە جازالارىن الۋى ءتيىس، - دەدى ماقسات تولىقباي.
وقىرماندارى دەپۋتاتتىڭ مالىمدەمەسىنە قاتىستى پىكىر ءبىردىردى:
"مىنە، دەپۋتاتتار ءدال وسىلاي شاپشاڭ ارەكەت ەتۋ كەرەك. ايتپەسە بۇعان جاۋاپتى سالا باسشىلارى كوز جۇمىپ، " سەن تيمەسەڭ، مەن تيمە" دەپ ەسىنەپ، تىر-تىر قاسىنىپ جاتا بەرەدى. ولارعا ەلدىڭ مۇددەسى، تۇتاستىعى كوك تيىن سياقتى كورىنەدى","ۇلكەن ويىن. ەرتەڭ جاڭا قۇرام جۇمىس جاساي باستادى، "امانات" ەلدىڭ تۇتاستىعىن قورعايدى دەگەن پىكىر قالىپتاستىرۋ ءۇشىن الدىن الا ويلاستىرىلعان ستسەناري","دۇرىس باستاما. تەك مۋحورياپوۆتىڭ ىسىنە ۇقساپ ارتى سيىرقۇيىمشاقتانىپ كەتپەسە" دەپ جازدى وقىرماندار.
"ادىرنا" ۇلتتىق پورتالى
